Քանի՞ վայրկյան է ձեզ անհրաժեշտ, որ հասկանաք՝ ծխու՞մ է մեքենայի վարորդը, թե՞ ոչ։ Հավանաբար, ծխող վարորդին հենց միանգամից էլ մատնում է մեքենայի սրահի տհաճ հոտը, անգամ այն դեպքում, եթե այդ պահին նա չի ծխում։ Սիգարետի ծուխը երկար ժամանակ մնում է փակ տարածքում՝ ծխախեղդ անելով մեքենայի բոլոր ուղևորներին ուվնասելով իրենց առողջությունը։ Բացի այդ, ծուխը նաև նստվածք է թողնում ծխողի ձեռքերին, հագուստին, մազերին։
Սիգարետի ծուխը վնասակար է․
Տհաճ զգացողությունից ու օդի որակը փչացնելուց բացի, ծուխն ունի վնասակար հատկություններ։ Սիգարետի ծուխը պարունակում է մոտ 6000 տարբեր միացություններ, որոնցից մոտ 100-ը մարդու առողջությանը ոչ մի լավ բան չեն խոստանում։ Սիգարետի ծուխը վնասակար է ոչ միայն ծխողի, այլև շրջապատում գտնվող մարդկանց առողջության համար։ Ապացուցված է, որ տարեկան 8 մարդուց 1-ը, ով մահանում է սիգարետ ծխելու պատճառով, ոչ թե ծխող է, այլ «պասիվ ծխող»․ գտնվում է ծխողի կողքին ու ներշնչում ծխողի սիգարետի ծուխը։
Ինչպե՞ս մաքրել մեքենան սիգարետի հոտից․ թողե՛ք ծխելը․
Ամենալավ տարբերակը սիգարետ ծխելուց ընդհանրապես հրաժարվելն է։ Այդպես դուք ոչ միայն կմաքրեք մեքենան կպչուն հոտից, այլև ձեր թոքերը՝ խեժից ու ծխի մեջ առկա վնասակար այլ նյութերից։ Ձեր շրջապատող մարդիկ էլ, անշուշտ, շնորհակալ կլինեն խելամիտ այս որոշման համար։
Ի՞նչ անել, եթե պատրաստ չեք հրաժարվել սիգարետից․
Այսօր աշխարհում մոտ 1 մլրդ ծխող կա։ Նրանց մեծամասնությունը պատրաստ չէ հրաժարվել սիգարետից։ Ծխող այն վարորդները, ովքեր ուզում են նիկոտին օգտագործել, կարող են դիտարկել ավելի տեխնոլոգիական, հիգիենիկ ու կարևորը՝ իրենց ու մեքենայի համար ավելի քիչ վնասակար այլընտրանք։ Խոսքը առանց այրման ու ծխի աշխատող սարքերի մասին է, որոնց վառ օրինակը ծխախոտը տաքացնող սարքերն են։ Հիմնական տարբերությունը սիգարետից այն է, որ այս սարքերի աշխատանքի արդյունքում չի արտազատվում ծուխ, իսկ գոլորշու մեջ վնասակար նյութերի մակարդակը 95%-ով ավելի քիչ է։ Փոխելով նիկոտին ստանալու ձևը, հնարավոր է լինում բացառել սիգարետի տհաճ հետևանքները՝ վնասակար նյութերով հագեցած օդ, կպչուն հոտ մազերի, ձեռքերի ու հագուստի վրա։
Անծուխ սարքերի առավելությունը մեքենայի համար՝
Մեկ անգամ ևս, փորձենք հասկանալ՝ ինչ առավելություններ ունեն անծուխ սարքերը ծխող վարորդների համար՝
– Դրանք բացասաբար չեն ազդում փակ տարածքներում օդի որակի համար, ինչն ապացուցվել է մի շարք միջազգային հետազոտությունների արդյունքում։ Այսինքն, սիգարետի ծուխը վնասում է օդի որակը, իսկ այս սարքերի գոլորշին՝ ոչ։
– Դրանք զրոյացնում են մեքենայի սրահն այրելու հավանականությունը, քանի որ աշխատում են առանց այրման։
– Այդ սարքերի գոլորշին մի քանի վայրկյանում ցնդում է՝ ազատելով մեքենայի սրահը տհաճ ծխի հոտից։
– Սարքերը մոխիր չեն առաջացնում, ինչը նշանակում է, որ դուք ստիպված չեք լինի ամեն օր մաքրել մեքենան։
– Սարքերն անվնաս են շրջապատի մարդկանց համար, այնպես որ դուք չեք վտանգում ձեր հարազատների ու մեքենայի այլ ուղևորների առողջությունը։
Գործընկերական նյութ