Saturday, 27 11 2021
19:00
Moderna-ն աշխատում է կորոնավիրուսի «օմիկրոն» շտամի դեմ պատվաստանյութ ստեղծելու ուղղությամբ
Կուզբասի ածխահանքի պետը կալանավորվել է
18:30
ԱՄՆ Նեշվիլ քաղաքում փոխհրաձգության հետևանքով սպանվել է երեք մարդ
Էդուարդ Բաբայանին, Էմիլ Հարությունյանին և Արման Մեղրյանին հրավիրում եմ հանրային բանավեճի. Աբովյանի համայնքապետի ՔՊ թեկնածու Պավել Ցուգունյան
Վրաստանում մեկ օրում կորոնավիրուսից մահացել է 61 մարդ
Պաշտոնական քարտեզները Մոսկվայում են, դրա կրկնօրինակը մեզ չեն տվել, Հայաստանում ոչ ոք չի տեսել դրանք
17:50
Մերկելը զինվորական նվագախմբին հանձնարարել է երգել Նինա Հեյգենի կատարումը կանցլերի պաշտոնից հրաժեշտի արարողության ժամանակ
44-օրյա պատերազմի փաստերը հավաքագրել և ուսումնասիրում են Հայաստանի և ԱՄՆ-ի նշանավոր իրավաբանները․ ինչ է բացահայտվել
Թուրքիայի և Ադրբեջանի ԱԳ նախարարները քննարկել են տարածաշրջանային վերջին զարգացումները
Երբ անընդհատ խոսում են Հայաստանում ռուսերենը խորացնելու մասին, դա նշանակում է՝ մեր ինքնիշխանությունը խոցված է
17:09
Իլհամ Ալիևը Ալեքսանդր Լուկաշենկոյին տեղեկացրել է Սոչիում կայացած եռակողմ հանդիպման արդյունքների մասին
Էրդողանի «հայկական» թթվածինը. բարդ իրավիճակ վերամբարձ տոնի ներքո
Արմեն Սարգսյանն ընդունել է «Հայաստան» համահայկական հիմնադրամի հոգաբարձուների խորհրդի անդամ Զավեն Խանջյանին
Կոտայքի մարզում 24-ամյա վարորդը Opel-ով բախվել է ծառին, կա 4 վիրավոր
Կարեն Անդրեասյանը կգործուղվի Իտալիա
Ուղիղ․ «Ազատագրողները» կրկին հրապարակում են․ հանրահավաք
Բերման են ենթարկվել «Զապ»-ը, «Արտյոմ Կանևսկոյ»-ը, «Նորատուսցի Արա»-ն, «Ալո»-ն, «Բոգո»-ն, «Մալաթիայի Ժիրո»-ն,և այլ «օրենքով գողեր»
Ռազմիկ Պետորսյանը մասնակցել է Օհանավանում 44-օրյա պատերազմում զոհված զինծառայողների հիշատակին նվիրված հուշակոթողի բացմանը
Հայաստանի համար բացվել է վերջին հնարավորությունը՝ դելիմիտացիայի և դեմարկացիայի հարցում ստանալ միջազգային կազմակերպության աջակցություն
15:15
Նյու Յորք նահանգում կորոնավիրուսի պատճառով արտակարգ դրություն է հայտարարվել
ՊԵԿ-ը նախատեսում է նվազագույնի հասցնել հարկային մարմինների շփումը հարկ վճարողների հետ
Հայաստանում առաջիկա օրերին օդի ջերմաստիճանն աստիճանաբար կբարձրանա
Վարդան Ղուկասյանի որդին կալանավորվել է․ նոր մանրամասներ
Սուրեն Պապիկյանի գլխավորությամբ անցկացվել է խորհրդակցություն
ՄԻԵԴ-ը բավարարել է գերեվարված 4 զինծառայողի գործով անհապաղ միջոց կիրառելու վերաբերյալ հայ իրավապաշտպանների դիմումը
Արցախում գրանցվել է կորոնավիրուսային հիվանդության 37 նոր դեպք
Հայաստանի՝ Թուրքիայի և Ադրբեջանի ճնշումների տակ ծնկի չգալը Իրանի համար կարևոր գործոն է
Արցախի Հանրապետության Նախագահ Հարությունյանը մասնակցում է «Հայաստան» համահայկական հիմնադրամի հոգաբարձուների խորհրդի նիստին
44-օրյա պատերազմից հետո Արցախի «վարչատարածքային բաժանման մասին» օրենքում փոփոխություններ են արվել․ Շուշին, Հադրութն ու հանձնված մյուս տարածքները նշվել են երկու աստղանիշով
Պուտինն Անվտանգության խորհրդի նիստում ներկայացրել է Փաշինյանի ու Ալիևի հետ հանդիպման արդյունքները

Ուշագրավ ընտրություններ Վրաստանում․ իշխանությունը ձգտելու է Սաակաշվիլու հարցը վերջնականապես «փակել»

Հարևան Վրաստանում  հոկտեմբերի 30-ին տեղի է ունենալու ՏԻՄ ընտրության երկրորդ փուլը: Նախկին նախագահ Միխեիլ Սաակաշվիլու ղեկավարած Միացյալ ազգային շարժում կուսակցությունը «կոալիցիոն ընդդիմություն» է ձևավորում Թբիլիսիի քաղաքապետի ընտրության շուրջ, որտեղ Սաակաշվիլու ուժը մրցելու է իշխող Վրացական Երազանքի թեկնածու, գործող քաղաքապետ Կախա Կալաձևի հետ: Առաջին փուլում Կալաձեն հավաքել է 45 տոկոս ձայն, իսկ Սաակաշվիլու ուժի թեկնածու Նիկա Մելիան՝ 34 տոկոս: Բայց, այժմ ընդդիմությունը փորձում է ձևավորել քաղաքական մեծ ու փոքր ընդդիմադիր ուժերի կոալիցիա և դա ստացվում է: Իսկ կոալիցիայի պարագայում ընտրության արդյունքը կարող է դառնալ խիստ անկանխատեսելի:

Վրաստանի հարցերով փորձագետ Ջոնի Մելիքյանի խոսքերով՝ Վրաստանի իշխանությունները առաջին փուլում  շրջանների մեծամասնությունում հաղթանակ են գրանցել և  նրանց համար կարևոր է նման արդյունք գրանցել նաև երկրորդ փուլի ժամանակ․«Կարելի է ասել, որ գործի մի մասն արել են, հիմա մնում է երկրորդ  մասը և նրանք անելու են մաքսիմալը, որ 20 շրջաններում ևս հաղթեն ու դրանով հարցը փակեն։ Իմ կարծիքով՝ Սաակաշվիլու վերադարձը բերեց նրանց, որ ինչ-որ զանգված ակտիվացավ։ Գուցե իր չվերադառնալու պարագայում՝ նրանք ավելի պասիվ լինեին»,-«Առաջին լրատվական»-հետ զրույցում ասաց նա։

Մելիքյանի դիտարկմամբ՝ եթե Թբիլիսում ու Քութաիսիում իշխանությունները կարող են ռեսուրսներ օգտագործելով ապահովել   հաղթանակ, ապա Զուգդիդիի պարագայում խնդիրն ավելի բարդ է լինելու, քանի որ այստեղի թեկնածուն «Միացյալ ազգային շարժում» կուսակցության առաջնորդ Նիկա Մելիայի հայրն է՝ մասնագիտությամբ բժիշկ Անզոր Մելիան․«Այստեղ  բարդ իրավիճակ է, կարող է տոկոսների քիչ տարբերություն լինել, թեպետ իշխանությունները ձգտելու են ամեն տեղ էլ հաղթանակ ապահովել։ Երեկ բավականին ուժեղ ու ազդեցիկ ցույց արեցին, որով էլ եզրափակեցին նախընտրական շրջանը։ Եթե հոկտեմբերի 14-ին տարբեր տվյալներով ՝18-20․000-ից մինչև 40․000 մարդ էին նշում, երեկվա իշխանությունների ցույցին մոտ երկու անգամ ավելի մարդ էր հավաքվել։ Այս ամենը ցույց է տալիս, որ թեպետ մունիցիպալ ընտրություններ են, դրանք կարևոր է Վրաստանի ներքաղաքական կյանքում որոշ էջեր փակելու ու նոր շրջան սկսելու իմաստով։ Մինչև 2024 թվականը որևէ ընտրություն տեղի չի ունենալու, իսկ Սաակաշվիլու գործոնը այս փուլում կարևոր է»։

Մեր զրուցակիցը նկատում է, որ հացադուլ հայտարարած նախկին նախագահին քաղաքացիական հիվանդանոց տեղափոխելու հարցը կտրուկ չի դրվում․«Իշխանությունների մոտ կան մտահոգություններ, որ երբ Սաակաշվիլուն տեղափոխեն հասարակ հիվանդանոց, ինչքան էլ ապահովվի նրա անվտանգությունը, կա ռիսկ, որ իր կողմնակիցները կկարողանան գրավել հիվանդանոցն ու իրեն դուրս բերեն։ Իսկ այս ամենը կարող է նշանակել, որ մարդիկ կարող են փողոց դուրս գալ ու հեղափոխության սցենարի կրկնություն լինի։ Սա իշխանությունները փորձում են կանխել ու թույլ չտալ, որպեսզի նման ինչ-որ սցենար աշխատի»,-ընդգծեց նա։

Ջոնի Մելիքյանի դիտարկմամբ՝ Սաակաշվիլին պլանավորել են մեկ-երկու շաբաթում ամեն ինչ անել ու դուրս գալ բանտից, եթե դա չստացվի՝ ապա եղած պրոցեսների մեջ միգուցե ինքը ստիպված լինի մինչև 2024 թվականի ընտրությունները բանտում լինել․ «Միգուցե ապագայում արևմուտքի կողմից ճնշումներ լինեն ու որոշ պրոցեսներ ակտիվանալ, բայց եթե իրավիճակն այսպես է մնում՝ նա մինչև այդ թվականը կանցկացնի բանտում։ Ամեն դեպքում իշխանությունները անելու են հնարավոր ամեն ինչ բոլոր շրջաններում հաղթելու համար։ Այնպես չէ, որ իրենք դեմ են , որ որևէ շրջանում ընդդիմությունը հաղթի, բայց  նույնիսկ մեկ քաղաքում ընդդիմության հաղթանակը կամ կոալիցիոն կառավարությունը կբարդացնի իրավիճակը, քանի որ ընդդիմությունը կարող է դա պրոեկտել հանրապետության այլ շրջանների վրա։ Իշխանություններն այս առումով ունեն մտահոգություններ»։

Փորձագետի խոսքերով ՝ ընդդիմությունն էլ իր հերթին փորձում է ցույց տալ, որ իրենք բոլոր տեղերում մոբիլիզացված են, կա  լայն աջակցություն, կոալիցիաներ ու իրենք ամեն ինչ անելու են իշխանություններին տապալելու համար․«Միգուցե այն մարդիկ, որոնք չեն հասկանում համապետական ու մունիցիպալ ընտրությունների տարբերությունը մտածեն, որ այդ տրամաբանությամբ ինչ-որ փոփոխություն կարող է տեղի ունենալ, բայց գուցե այսպիսի հռետորաբանությամբ նրանք կարողանան ազդել այն մարդկանց վրա, որոնք կողմնորոշված չեն և դեռևս իրենց ընտրության հարցում տատանվում են»,-եզրափակեց նա։

Բաժիններ
Ուղիղ
Լրահոս
Որոնում