Թուրքիայի նախագահ Ռեջեփ Թայիփ Էրդողանը կարգադրել է «պերսոնա նոն գրատա» հայտարարել Թուրքիայում արևմտյան 10 երկրների, այդ թվում՝ ԱՄՆ-ի, Ֆրանսիայի, Գերմանիայի, Կանադայի դեսպաններին: Ավելի վաղ մի շարք երկրների դեսպաններ միասնական հայտարարությամբ դիմել էին ԱԳՆ-ին՝ պահանջելով անմիջապես ազատ արձակել գործարար և քաղաքական գործիչ Օսման Քավալին: Ստացվում է, որ այսօր Էրդողանը վերածվել է մի լիդերի, որը հաշվի չի նստում աշխարհի որևէ երկրի հետ, տարբեր տարածաշրջաններում անում է այն, ինչ ուզում է և ամենը հանգիստ մարսում է: Ինչի՞ կարող է հանգեցնել Էրդողանի վերջին որոշումը: Այս և տարածաշրջանային կարևորության մի շարք հարցեր «Առաջին լրատվական»-ը քննարկել է պատմական գիտությունների թեկնածու, դոցենտ Նելլի Մինասյանի հետ:
Անդրադառնալով Էրդողանի որոշման հնարավոր հետևանքներին՝ մեր զրուցակիցը նշեց, որ վերջին շրջանում, ինչքան էլ Թուրքիան քննադատում է ԱՄՆ-ին, բայց Էրդողանը փորձում է լեզու գտնել ԱՄՆ նախագահ Ջո Բայդենի հետ, որն ըստ էության չի հաջողվում: «ԱՄՆ-Թուրքիա հարաբերությունները գնում են լարվածության, ուստի Էրդողանը փորձում է խաղարկել ինչ-որ բաներ, նույնը նաև Եվրամիության հետ կապված»: Խոսելով տարածաշրջանում Թուրքիայի դիրքերի ամրապնդման մասին՝ Մինասյանը փաստեց, որ Անկարայի վերջնանպատակը Արցախը չէ: «Թուրքիայի վերջնանպատակը, այսինքն, պանթյուրքիստական ծրագրերի, թյուրքական աշխարհի հետ ցամաքային կապի տեսանկյունից կարևոր է Սյունիքը, իսկ Արցախը Էրդողանին հավելյալ հեղինակություն տվեց թյուրքական աշխարհում»:
Առավել մանրամասն՝ տեսանյութում: