Սոթքի հատվածում սահմանին հարաբերական զինադադար է, կրակոցներ չկան, կրակոցներ լինելու են, երբ մառախուղ է լինում. Իրենք վախենում են մառախուղից, դրա համար կրակում են: Այս մասին «Առաջին լրատվական»-ի հետ զրույցում նշեց ԱԺ «Քաղաքացիական պայմանագիր» խմբակցության պատգամավոր Գագիկ Մելքոնյանը:
«Հիմնականում օդ են կրակում, մերոնք էլ պատասխանում են: Ձմեռվա համար աշխատանքները կարելի է ասել 80 տոկոսով կատարված են, կուտակված է վառելիք, կա փայտ, քարածւխ, բրիկետ: Սննդամթերքն ապահովված է ձմեռվա համար: Այսինքն կարող ենք ասել, որ մեր հենակետերում պատրաստ են ձմեռվան: Նաև ականատես եղանք նոր մոդուլներին, տնակներին: Կան տեղեր, որ քարաշեն տնակներ են: Այդտեղ սահմանի երկայնքով 6 տեղ կար, որ դեռ վրանների տակ էին: Հրամանատարությունն ասաց, որ մի 20 օրից վրաններն այլևս չեն լինի: մենք անցել ենք Սոթքից մինչև Իշխանասար հատվածը և բոլոր տեղերում նույն վիճակն է»,-ասաց պատգամավորը: