Գերմանիայի կանցլեր Անգելա Մերկելը խոստովանել է, որ երբեմն որոշակի քաղաքական ազդանշաններ է պարունակել իր հագուստի գույնը և նշել, որ իր համար կառավարության ղեկավարի պաշտոնը թողնելուց հետո «նոր ժամանակ է սկսվում»։
«Երբեմն», – ասել է Մերկելը Suddeutsche Zeitung թերթին տված հարցազրույցում։ Նա նշել է, որ չի պատրաստվում իր հագուստները տալ թանգարաններին։ «Այն տանում են կարիքավորների համար՝ հագուստի հավաքման կետեր։ Պարբերաբար։ Ես թանգարանին հագուստ չեմ տալիս»,- ասել է Մերկելը։
Կանցլերը բացատրել է նաև, թե ինչու է միշտ խոսափել «միգրացիոն ճգնաժամ» բառակապակցությունից։ «Այո, դա այդպես է։ Ես սկզբունքորեն խուսափում եմ այս բառից՝ (գերմաներենում սա մեկ բառ է), քանի որ փախստականն ինձ համար ոչ թե ճգնաժամ է, այլ մարդ»,- շեշտել է նա։ Մերկելը նաև նշել է, որ իր կարծիքով, անօրինական միգրանտների հոսքի հետ կապված թույլ տված սխալները «արվել են 2015 թվականի աշնանից (միգրացիոն ճգնաժամի գագաթնակետից) շատ առաջ»։
Մերկելն ափսոսանք է հայտնել, որ «քաղաքական մթնոլորտը երկրում ավելի է կոշտացել»։
«Երբ ես դարձա կանցլեր, դեռ սմարթֆոններ չկային: Facebook-ը և Twitter-գոյություն ունեցավ իրարից մեկ տարվա տարբերությամբ։ Մենք ապրում ենք ամբողջովին փոխված մեդիա աշխարհում, և սա (քաղաքական մթնոլորտի փոփոխությունը) նույնպես կապված է դրա հետ», – ասել է Մերկելը։
Սպասվում է, որ Գերմանիայի նոր կառավարությունը կձևավորվի դեկտեմբերի սկզբին։
