Գերմանիայի կանցլեր Անգելա Մերկելը հաստատում է, որ դեռ 2001 թվականին՝ Բունդեսթագում Ռուսաստանի նախագահ Վլադիմիր Պուտինի ելույթի ժամանակ նա հասկացել էր, որ լուրջ անհամաձայնություններ կան Ռուսաստանի ղեկավարի հետ: Նա իր տեսակետը ներկայացրել է շաբաթ օրը Suddeutsche Zeitung թերթին տված հարցազրույցում։
«Ինձ համար միշտ պարզ էր, նույնիսկ երբ 2001 թվականին Բունդեսթագում նա ասաց, որ էական տարաձայնություններ կան», – ասել է Մերկելը: Երբ ես ստանձնեցի պաշտոնը, չէի էլ կարող պատկերացնել, որ նա կբռնակցի Ղրիմը, և որ Ուկրաինայի արևելքում՝ գործնականում Եվրամիության կողքին, նման ռազմական բախումներ կլինեն», – նշել է կանցլերի պաշտոնակատարը։
Նա նաև կարծիք է հայտնել, որ Բեռլինի դերն աշխարհում նվազում է՝ չնայած այն հանգամանքին, որ Գերմանիան հարուստ երկիր է: Մերկելի խոսքով՝ պատճառը «ուժերի հարաբերակցության ամբողջական փոփոխությունն էր»։
«Երբ ես դարձա կանցլեր, Չինաստանի ՀՆԱ-ն փոքր-ինչ ցածր էր Գերմանիայի ՀՆԱ-ից: Այսօր Չինաստանի ՀՆԱ-ն կազմում է 14,7 տրիլիոն, իսկ մերը՝ 3,8 տրիլին դոլար: Այս առումով մենք պետք է ռազմավարական և խելամիտ կերպով կառուցենք մեր հարաբերությունները: Այսօր մենք պետք է պայքարենք, որպեսզի շարունակենք պահպանել մեր կարևորությունը»,- հավելել է Մերկելը։
Անգելա Մերկելը կարծում է, որ այժմ «ամեն ինչ պետք է արվի ՝ գտնելու մի ճանապարհ, որը կմիավորի Եվրոպան»: