Ճապոնիայում մի խումբ հետազոտողների հաջողվել է բացահայտել ժամանակակից շան ամենամոտ ազգականին, հայտնում է PHYS.org ամսագիրը:
Ըստ գիտնականների ՝ ժամանակակից շների նախահայրը եղել է ճապոնական գայլը (Canis lupus hodophilax): Նա համեմատաբար փոքր էր չափսերով և հաճախ կարմրավուն գույն ուներ։ Նշվում է, որ այդ տեսակն անհետացել է ոչ այնքան վաղուց․ վերջին ներկայացուցիչը ոչնչացվել է ճապոնացի ֆերմերների կողմից ճապոնական կղզիներից մեկում, 1905 թվականին։
Այս կենդանու և ժամանակակից շների գենետիկ հարևանության մասին վկայում է նրա ԴՆԹ -ն, որը վերցվել էր ճապոնական գայլի ոսկորներից: ԴՆԹ-ն առկա է եղել գայլերի եզակի էվոլյուցիոն ճյուղի վրա, որն առաջացել է 20,000-ից 40,000 տարի առաջ։Այս հին գայլերից ոմանք վերածվել են ճապոնական գայլերի, իսկ մյուսները՝ շների: Այս տվյալների հիման վրա գիտնականներն առաջ են քաշել այն տեսությունը, որ շների նախահայրը եկել է ոչ թե Մերձավոր Արևելքից կամ Եվրոպայից, ինչպես նախկինում կարծում էին, այլ՝ Արևելյան Ասիայից:
Նրանք նաև հայտարարել են, որ ԴՆԹ -ի անալիզի համաձայն, ճապոնական գայլի ամենամոտ հարազատներն այժմ ապրում են Նոր Գվինեայում և Ավստրալիայում: Խոսքն այնպիսի ցեղատեսակների մասին է, ինչպիսիք են Երգող շունը և Դինգոն։
