Ռուսաստանի նախագահ Վլադիմիր Պուտինն ու Իսրայելի վարչապետ Նաֆթալի Բեննեթը քննարկել են երկկողմ առևտուրն ու երկրների հետագա փոխգործակացությունը Սիրիայի և Իրանի հարցրով։ Կողմերի առաջին պաշտոնական հանդիպումը տեղի է ունեցել Սոչիում հոկտեմբերի 22-ին։
Պուտինը ողջունել է Բեննեթին՝ երկխոսության կարևորության մասին խոսքերով, այդ թվում՝ Իսրայելում ապրող մեկ միլիոն ռուսախոս քաղաքացիների համար, որոնց մի մասը Երկրորդ համաշխարհայինի վետերաններ են։
Բանակցությունների ընթացքում ՌԴ առաջնորդը հույս է հայտնել, որ Բեննեթի կառավարությունը կշարունակի պահպանել հարաբերությունների ռազմավարությունը, որը ստեղծվել էր Իսրայելի նախորդ կառավարության ժամանակ, և ուղղված կլինի ռուս-իսրայելական առևտրային փոխգործակցության մեծացմանը։ 2021 թվականի առաջին 7 ամիսներին երկրների միջև շրջանառությունը մեծացել է 50 տոկոսով, նշել է Պուտինը։
Պուտինը նաև հայտարարել է, որ ակնկալում է համագործակցություն Իսրայելի հետ բարձր տեխնոլոգիաների ոլորտում և տարածաշրջանային խնդիրների համատեղ լուծում։ Ռուսական կողմն անդրադարձել է Սիրիային վերաբերող հարցերի, մասնավորապես պատերազմից հետո երկրի ենթակառուցվածքի վերականգնմանը, ինչպես նաև մի շարք խնդիրների, որոնց լուծման վրա անհրաժեշտ է աշխատել համատեղ, հատկապես ահաբեկչության դեմ պայքարի ոլորտում։