Նոր Նորքի 7-րդ զանգվածի Հ․Ավետիսյան 5 շենքի բնակիչները բողոքարկելու են քաղքապետարանի որոշումը։ «Առաջին լրատվական»-ը եղել է Նոր-Նորքի 7-րդ զանգվածում, զրուցել է Հ․Ավետիսյան 5 շենքի բնակիչների հետ։
Հոկտեմբերի 20-ին՝ երեկոյան ժամին, բախում է տեղի ունեցել նրանց և ոստիկանության կարմիր բերետավորների միջև այն բանից հետո, երբ շենքի բնակիչները ընդդիմացել են քաղաքապետարանի որոշմանը, փորձել են խոչընդոտել,որպեսզի կարմիր բերետավորները չքանդեն աղբավայրի փոխարեն կառուցված ավտոտնակները,որոնք չէին կառուցվել օրինական թույլտվությամբ։ Ավտոտնակների սեփականանտերեր Արտակ Մկրտչյանը և Ժաննա Դիլարյանը և նրանց հարևանները «Առաջին լրատվականին» ներկայացրին,թե ինչպես են բերետավորները բիրտ ուժ կիրառելով, քարշ տալով հեռացրել ապամոնտաժմանը ընդդիմացող բնակիչներին, հատկապես կանանց, երեխաների հանդեպ։
Նրանց պատմելով՝ երեխաներից փոքրը,այնքան է վախեցել այդ բռնությունից,որ երկու օր է՝տարօրինակ վարք է ցուցաբերում։ Բնակիչները,թեև արդարացի չեն համարում այդ որոշումը,որով առանց իմաստավոր պատճառաբանությամբ քանդում են հայ մարդու քրտինքով ստեղծածը, բայց գոնե երկու օր ժամանակ տային իրենք իրենց ձեռքով,առանց խայտառակ միջադեպերի, քանդին շինությունը։ Պատրաստ էին թույլ տալ ապամոնտաժել, միայն թե երկու օր ժամանակ տրամադրեին,որ իրենց ձեռքով անվնաս քանդեին։Վերջիններս ավելի շատ վրդովված էին ոստիկանների կոպիտ վերաբերմունքից։ Ավտոտնակները կառուցած Արտակ Մկրտչյանը, ով շենքում բավականին հեղինակություն ունեցող ազդեցիկ բնակիչ է,մեզ պատմեց, որ սրանից 6-7 տարի առաջ ավտոտնակների տեղը ծառայում էր որպես աղբանոց: Ինքը մյուս բնակիչների համաձայնությամբ աղբանոցը մաքրել է ավտոտնակ է սարքել։ Դրա համար էլ, ըստ,նրա, այսօր բոլոր հարևանները իր կողքին են, իրենց հետ հավասար պայքարում են։ Ա․Մկրտչյանը մեզ փոխանցեց, որ ոստիկանների գալը եղել է շատ պատահական․ երեկոյան, տրակտորով միանգամից մոտեցել են կառույցին, որ քանդեն։
