Մոսկվան կողմ է արտահայտվում Ադրբեջանի և Իրանի սահմանին լարվածության նվազմանը։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Համոզված ենք, որ այդ երկու՝ միմյանց մոտ գտնվող երկրների միջև ծագած բոլոր հարցերը պետք է լուծվեն բացառապես քաղաքական-դիվանագիտական մեթոդներով, բոլոր տարաձայնությունները պետք է հաղթահարվեն բարիդրացիական ոգով։ Մեր կողմից մենք ջանքեր ենք գործադրում Հարավային Կովկասում բոլոր տնտեսական, տրանսպորտային ուղիների ապաշրջափակման ուղղությամբ։ Ելնում ենք նրանից, որ այդ աշխատանքը պետք է, անշուշտ, հաշվի առնի տարածաշրջանի բոլոր երկրների, այդ թվում՝ բնականաբար Իրանի շահերը»,- ասել է ՌԴ ԱԳՆ ներկայացուցիչը։
