Կայունացման և զարգացման եվրասիական հիմնադրամի կողմից ՀՀ-ին դրամաշնորհ կտրամադրվի՝ հանրապետությունում կորոնավիրուսի համավարակին պատրաստվածության մակարդակի բարձրացման նպատակով։ Նախագիծն ընդգրկված է կառավարության այսօրվա նիստի օրակարգում։
ՀՀ և Եվրասիական զարգացման բանկի միջև ստորագրված դրամաշնորհային համաձայնագրի շրջանակներում նախատեսվում է իրականացնել ծրագիր, որը կնպաստի կորոնավիրուսի բռնկման ռազմավարական պատրաստվածության և հակազդման գործընթացին։
Ծրագրի նպատակն է բժշկական ծառայությունների տրամադրման շարունակականության, ինչպես նաև հիվանդության տարածման սպառնալիքին արագ հակադարձելու կարողության ապահովումը՝ հաշվի առնելով կորոնավիրուսի հնարավոր ալիքային ընթացքը և սեզոնային սրացումները։
Ծրագրի իրականացման նպատակով որպես դրամաշնորհ առաջարկվում է հատկացնել 3 մլն դոլար։ Դրամաշնորհային ծրագրի շրջանակում պետք է բարձրացվի վարակի կանխարգելման և վերահսկման արդյունավետությունը, մասնավորապես Արարատի և Արմավիրի մարզերի
Հիվանդությունների վերահսկման և կանխարգելման ազգային կենտրոնի մասնաճյուղերի արդիականացում։
