Էրդողանի հեռանալու հարցը այսօր Թուրքիայում դառնում է ներքին քաղաքական քննարկումների շատ կարևոր մասը: Այս մասին «Առաջին լրատվական»-ի հետ զրույցում նշեց ԳԱԱ ակադեմիկոս, թուրքագետ Ռուբեն Սաֆրաստյանը:
«Հարցումների մեծ մասը ցույց է տալիս, որ Էրդողանի և իր կուսակցության վարկանիշն ընկնում է: Նույնիսկ կան այնպիսի տվյալներ, որ նրանք զիջում են ընդդիմադիրներին: Երկրորդ, շատ կրևոր գործընթացներ, կարծես սկիզբ են առնում ընդդիմադիրների շրջանում, որի էությունը հետևյալն է. քննարկվում է հարցը, արդյոք հնարավոր կլինի 2023 թվականի նախագահական ընտրություններում բոլոր ընդդիմադիր ուժերը համախմբվեն և միասնական մեկ թեկնածու դնեն Էրդողանի դեմ: Սա իրենց շանսերը շատ կմեծացնի: Եվ երրորդ հանգամանքն այն է, որ տնտեսական առումով Թուրքիայում բավական ծանր դրություն է ստեղծվել: Երկու օր առաջ թուրքական լիրան քանի տոկոս անկում ապրեց»,-ասաց նա: