Մոսկվան եւ Վաշինգտոնը հանդես են գալիս կլիմայական հարցերի շուրջը շփումների շարունակման օգտին, նոր հանդիպումների կազմակերպումը քննվում Է պրոֆիլային նախարարությունների մակարդակով: Հոկտեմբերի 19-ին այդ մասին հայտարարել Է ՌԴ-ի փոխվարչապետ Ալեքսեյ Օվերչուկը YouTube-ալիքի «Սոլովյով Live» եթերում:
«Այո՛, այդպիսի առաջարկություն հնչել Է (կլիմայի հարցերով ԱՄՆ-ի նախագահի հատուկ դեսպանորդ) Ջոն Քերիից կլիմայական հարցերի վերաբերյալ,- ասել Է Օվերչուկը՝ պատասխանելով շփումները շարունակելու՝ ամերիկյան կողմի առաջարկությունների մասին հարցին:- Մենք, անշուշտ, պետք Է շփվենք ավելի աշխատանքային մակարդակով, եւ այժմ այդ շփումները մեզ մոտ կազմակերպվում են համապատասխան նախարարությունների մակարդակով: Ուստի կլինի կլիմայի վերաբերյալ քննարկումների շարունակությունը, դա ակնհայտ Է»:
Կլիմայական հարցերի շուրջն աշխատանքը կարող Է միավորող սկիզբ լինել ՌԴ-ի եւ ԱՄՆ-ի տնտեսական կապերի ընդլայնման համար, հայտարարել Է առաջին փոխվարչապետը:
«Նրանց մոտ որոշակի կարծրատիպեր կան մեր երկրի նկատմամբ: Եվ դա, հավանաբար, իրենից ամենամեծ խնդիրն Է ներկայացնում: Եվ այդ կարծրատիպերը հարկավոր Է կտրուկ փոխել: Դա մեծ լուրջ աշխատանք Է, որով ինչ-որ ժամանակ անհրաժեշտ Է զբաղվել: Մեր կարծիքով՝այստեղ խթան կարող Է ծառայել կապերի հետագա ընդլայնումը տնտեսության բնագավառում, առեւտրի բնագավառում: Եվ այստեղ այսօր նման միավորող սկիզբ կարող Է լինել աշխատանքը կլիմայի խնդիրների եւ այն մարտահրավերների վերաբերյալ, որոնք այսօր ամբողջ աշխարհի հանդեպ ծառացած են կլիմայի ակնբախ փոփոխությունների պատճառով»,- հայտարարել Է նա, հաղորդել Է ՏԱՍՍ-ը: