ԱՄՆ նախագահ Ջո Բայդենը հայտարարել է, որ Սպիտակ տան նախկին ղեկավար Բիլ Քլինթոնի հետ պարբերաբար կապի մեջ են, նրա մոտ ամեն ինչ կարգին է, և «աչքով չտալու» համար նա թխկթխկացրել է փայտին:
«Ես գիտեմ, որ դուք հարցեր ունենք Բիլ Քլինթոնին ուղղված: Մենք հաճախ ենք խոսում հեռախոսով: Աստծո կամքով, կարծես թե, նրա մոտ ամեն ինչ լավ է: Երբ ես նրա հետ խոսեմ՝ կհաղորդեմ»,- ասել է Բայդենն իր տնտեսական նախաձեռնությունների մասին ելույթ ունենալիս:
Հիշեցնենք, որ ԱՄՆ նախկին նախագահ Բիլ Քլինթոնն արյան վարակմամբ հոսպիտալացվել է։ Այս մասին հայտնել է CNN-ը՝ նշելով, որ հոսպիտալացումը կապ չունի կորոնավիրուսի հետ։
75-ամյա Քլինթոնին երեքշաբթի երեկոյան տեղափոխել են Կալիֆորնիայի Իրիվինի համալսարանի բժշկական կենտրոն։
Քլինթոնի պաշտոնական ներկայացուցչի հայտարարության համաձայն՝ Սպիտակ տան նախկին ղեկավարը հակաբիոտիկներով բուժում է ընդունում, կազդուրվում է և ունի լավ տրամադրություն։