Միջազգային տիեզերակայանի՝ տիեզերքում կողմնորոշման կորուստը տևել է կես ժամ և վտանգ չի ներկայացրել անձնակազմի համար, հայտնում է ԱՄՆ տիեզերական գործակալությունը՝ NASA-ն։
«30 րոպեի ընթացքում թռիչքների վերահսկիչները վերականգնեցին տիեզերակայանի դիրքը, որն այժմ կայուն վիճակում է: Անձնակազմը միջադեպի ժամանակ արթուն էր և վտանգի չի ենթարկվել», – ասված է NASA-ի հաղորդագրության մեջ:
Դեպքը տեղի է ունեցել երեկ՝ Союз МС-18 տիեզերանավի շարժիչի փորձարկման ժամանակ, որով կիրակի Երկիր կվերադառնան տիեզերագնաց Օլեգ Նովիցկին, ռեժիսոր Կլիմ Շիպենկոն և դերասանուհի Յուլյա Պերեսիլդը՝ տիեզերքում առաջին գեղարվեստական ֆիլմի նկարահանումներից հետո։
Ավելի ուշ տարածության մեջ կողմնորոշումը վերականգնվել է կայանի ռուսական հատվածի շարժիչների օգնությամբ։ Նշվում է, որ Միջազգային տիեզերանակայանը թեքվել էր 57 աստիճանով։