Լոս Անջելեսի դատարանը անշարժ գույքի ամերիկացի մագնատ Ռոբերտ Դարստին դատապարտել է ցմահ ազատազրկման 2000 թվականին իր մտերիմ Սյուզան Բերմանի սպանության համար: Այս մասին հոկտեմբերի 14-ին հայտնել է Los Angeles Times-ը:
Սեպտեմբերին երդվյալ ատենակալները Դարստին մեղավոր են ճանաչել սպանության համար՝ եռօրյա խորհրդակցությունից հետո: Ըստ թերթի՝ դատավճռի կայացման ժամանակ 78-ամյա մագնատը ոչ մի բառ չի ասել, և նրա պաշտպանը չի փորձել պատժի մեղմացման միջնորդություն ներկայացնել:
2015 թվականին, «Jinx: The Life and Deaths of Robert Durst» վավերագրական շարքի նկարահանման հրապարակում միլիոնատերը պատահաբար խոստովանել է մի քանի սպանություն:
«Այնպես որ, սա է բոլորը: Դուք բռնվել եք: Ի՞նչ եմ արել: Սպանել ես նրանց բոլորին»,-մրմնջացել է նա ինքն իրեն, երբ խոսափողը միացրած մտել է զուգարան:
Գործարարը կասկածվում էր նաև 1982 թվականին իր առաջին կնոջ՝ Քեթլին Դարստի առեղծվածային անհետացման մեջ, որը դեռևս չի հայտնաբերվել: Երկար տարիներ նա ինքն էր հայտարարում, որ «ոչ մի պատկերացում չունի», թե ով է սպանել Բերմանին, և չգիտի, թե ինչ է պատահել իր առաջին կնոջ հետ:
Շրջանային դատախազի տեղակալ Ջոն Լևինը ենթադրել է, որ Դարստը ինքնասիրահարված հոգեթերապևտ է: Ըստ նրա վարկածի՝ մագնատը նախ սպանել է իր կնոջը, այնուհետև ստիպված է եղել շարունակել սպանությունները՝ հետքերը կոծկելու համար:
Ռոբերտ Դարստը Նյու Յորքի կենտրոնում մի շարք գրասենյակային շենքերի սեփականատեր է, նրա կարողությունը գնահատվում է 100 միլիոն դոլար: