ՄԱՀՀԻ ղեկավար Ստյոպա Սաֆարյանը ֆեյսբուքյան իր էջում գրել է.
Կարծում էիք ռուսները կուլ կտայի՞ն, երբ երկու օր առաջ ազերի ասյկարները սպանեցին քաղաքացիական արցախցուն տրակտորի մեջ, ում կողքը նստած էր ռուս խաղապահը, իսկ տարածքում այլ խաղապահներ էլ կային։ Դրանից հետո Ադրբեջանը ոչ պաշտոնապես շրջանառության մեջ դրեց թեզ, թե ռուսական խաղապահների վերահսկողության գոտում կան զինված հայկական բանդաներ, որոնք կրակել են նրանց ուղղությամբ, ուրմեն պետք է դրանք զինաթափվեն։
Բաքվից ներմուծված այս թեզը ցույց տվեց, թե ինչ թիրախի են խփում՝ փորձել կռվացնել ռուսներին ու հայերին ու դնել Արցախում հայերի զինաթափման հարցը։ Սակայն ռուսը անգամ Հարավային Օսիայում իր խաղաղապահների վրա բացված կրակը դարձրեց պատրվակ իր գործն անելու համար, ինչ մնաց կուլ տա ու հավատա ադրբեջանական հեքիաթին։ Դրան զուգահեռ Երևանում էլ պրոռուսական շրջանակներ շրջանառության մեջ դրեցին չշտված տեղեկություն, թե իբր ռուսները հասել են այդ՝ իրենց ուղղությամբ կրակած ադրբեջանցի զինվորականին պատժելուն։ Դա հաստատող ոչ մի փաստ չհրապարկվեց, ըստ էության ցույց տալով, որ այդ կերպ ուղղակի փորձում են հայկական անուններով ու կայքերով փրկել Ռուսաստանի խաղաղապահների խաթարված դեմքը։ Սակայն, Ռուսաստանը նման բաները չի մոռանում և չի ներում։ Մեկ օրում երկու նոր միջադեպ է արձանագրվել․ կրակ է բացվում ռուս խաղաղապահների ուղեկցությամբ Սարսանգի ջրամբարի հատվածում Մատաղիս-Գետավան-Վանք ուղղությամբ շինանյութ տեղափոխող ադրբեջանական ավտոշարասյան վրա, որից ոչ մեկ չի տուժում, որը տեղ է գտնում նաև ՌԴ ՊՆ ամփոփագրում՝ նշելով, թե երկու կողմերի ներգրավվածությամբ քննություն է ընթանում, իսկ ժամեր առաջ, ըստ ադրբեջանական կողմի՝ հայ դիպուկահարի կրակոցից սպանվում է ադրբեջանցի զինվորական։ Այս մի միջադեպին դեռ ռուսական կողմը չի արձագանքել․․․
Համարձակվում եմ ցավով ասել, որ սա արդեն Արցախում նոր խաղի դրսևորումներն են լինելու․․․ Քանի որ մի կողմը նպատակ է դրել արցախահայերին այնտեղ զինաթափելու, իսկ Արցախը հայաթափելու և դրա համար գնալու է տարատեսակ սադրանքների, մեղքը գցելով հայկական «զինված բանդաների» վրա, որպեսզի ռուսները զինաթափեն նրանց, իսկ մյուս կողմն էլ իր վրա կրակելու համար նրան պատժելու է ուրիշի ձեռքերով․․․
