Wednesday, 27 10 2021
Հայաստանի անկախության տոնը նշելու համար ինչու է մեկ անձից գնում իրականացվել․ Մանուկյան
Երբ չափն անցնում են, պատասխանը կարող է ասիմետրիկ լինել․ հաճախ ողջույններ հորջորջացողը կարող է «մյաուից» այն կողմ չանցնի
13:25
Իրաքում ԻՊ-ի հարձակման հետեւանքով զոհվածների թիվը հասել է 12-ի
Իշխանություններն Արմեն Չարչյանին պատանդի կարգավիճակով են պահում. Արամ Վարդևանյան
Զարմանալի է Լոսի Քիսոյին պատվի արժանացնելու հանգամանքը․ Արթուր Խաչատրյան
13:18
Գերմանիայում գործողություն է իրականացվում փողերի լվացման հետ կապված հանցավոր խմբի դեմ. Bild
Իշխանությունը հիմա էլ քյասիբ ժողովրդին կարտոֆիլից է զրկում․ Արեգնազ Մանուկյան
Փաշինյանը այդ ծրագրի «զոհն» է․ Հայաստանում շարժում սկսողներին պետք է հարցնել՝ համաձա՞յն եք Պուտին-Էրդողան ծրագրի հետ
Շքեղ մեքենաներ ասելով՝ Ձեր գործընկերներին էլ նկատի ունե՞ք․ Վարդևանյանը՝ Վարդանյանին
13:05
ԱՄՆ-ում անորոշ ժամկետով հետաձգել են Ալեք Բոլդուինի հնչյունավորած ֆիլմի կինովարձույթ դուրս գալը
Իսկ ո՞վ է դեմ ապաշրջափակմանը, բայց հարցն այն է ի՞նչ գնով է դա լինելու․ Դավիթ Բաբայան
Ինչ է նշանակում ռևանշիստ՝ վրեժի ձգտող մարդկանց խումբ․ Պապոյանը՝ ընդդիմութանը
Մսի և կարտոֆիլի պատմությունը կապ չունի մեր հետ․ Վարդանյան
12:55
Վիեննայում տղամարդը դանակով հարձակվել է անցորդների վրա
Ռևանշիստական ուժերը բովանդակության հետ խնդիր ունեն․ Արթուր Հովհաննիսյան
Ոչ թե ընդդիմություն, այլ ռևանշիստական ուժեր․ ՔՊ պատգամավորի ելույթը թեժացրեց ԱԺ մթնոլորտը
Թուրքական մեջլիսը կողմ է քվեարկել Հյուսիսային Իրաքում և Սիրիայում ռազմական գործողությունները շարունակելու բանաձևին
Արագածոտնի մարզպետը հրաժարական է տվել
Բա Արցախի ուրացում չէ, որ սպասարկում եք մի մարդու, որը չի հանգստանում՝ մինչև պետության ղեկավար չդառնա․ Երկգլխանի դևի պոչը պետք է դուրս գա այս դահլիճից
Ովքեր են գլխավորելու ՔՊ ցուցակները ՏԻՄ ընտրություններում
Ձեր շքեղ մեքենաները նստելիս հիշեք` երկրում կան անձինք, որ ձեր պատճառով կարտոֆիլ են ուտում․ Վարդանյան
Արթուր Հովհաննիսյանը հաղթանակով է մեկնարկել բռնցքամարտի աշխարհի առաջնությունում
Պատմական իրադարձություն Հայաստանի համար
11:58
ԱՄՆ-ին սպառնացող ահաբեկչական հարձակումների վտանգը 9/11-ից հետո նվազագույնի է հասել
Իմ կենսագրության մեջ չեմ ունեցել որևէ կետ, որն ինձ զերծ կպահի ԿԲ խորհրդի անդամի պաշտոնին հավակնելուց. Արտակ Մանուկյան
ԿԲ խորհրդի անդամ ընտրվելու դեպքում կապիտալի շուկան զարգացնելու ուղղությամբ ինչ քայլեր եք ձեռնարկելու
«Ամբողջ աշխարհին պետք է վստահեցնել, որ ապաշրջափակվելիք ցանկացած ճանապարհ լինելու է բացառապես ՀՀ սուվերենության ներքո»
Գիտությունը ինձ համար չի եղել ինչ-որ բանից խուսափելու միջոց․ Արտակ Մանուկյանը՝ Գեղամ Նազարյանին
Ես կլինեմ լակոնիկ՝ «ոչ»․ Արտակ Մանուկյանը՝ Ագնեսա Խամոյանին
39 մահ, 2074 նոր դեպք․ Կորոնավիրուսային իրավիճակը Հայաստանում

Փաշինյանը վերահաստատեց Հայաստանի հանձնառությունը եվրասիական ինտեգրման հիմքում ընկած գաղափարներին

Եվրասիական տնտեսական միության տարածքում էներգետիկ ռեսուրսների ընդհանուր շուկաների ձևավորումը անհրաժեշտ նախապայման է եվրասիական տարածությունում տնտեսական ինտեգրացիայի ներուժի լիարժեք իրացման համար, որից երկարաժամկետ հեռանկարում կշահեն ԵԱՏՄ-ի բոլոր երկրները: Այդ մասին Եվրասիական տնտեսական բարձրագույն խորհրդի հոկտեմբերի 14-ի նիստի ընթացքում ասել է ՀՀ վարչապետ Նիկոլ Փաշինյանը՝ երախտագիտություն հայտնելով Բելառուսին նիստը տեսակոնֆերանսի ձևաչափով կազմակերպելու համար և ողջունելով ԵԱՏՄ-ում դիտորդի կարգավիճակ ունեցող Ուզբեկստանի և Կուբայի նախագահներին, որոնք նույնպես մասնակցում էին հեռավար հանդիպմանը:

«Ակնհայտ է, որ ԵԱՏՄ տարածքում էլեկտրաէներգիայի, գազի, նավթի և նավթամթերքների ընդհանուր շուկաների ձևավորումը ոչ միայն Եվրասիական տնտեսական միության ստեղծման մասին պայմանագրի դրույթների կատարման խնդիր է, այլև՝ անհրաժեշտ նախապայման տնտեսական ինտեգրացիայի ներուժի լիարժեք իրացման համար: Հավանաբար, դա էլ բարդացնում է այդ շուկայի գործունեության վերաբերյալ սկզբունքների համաձայնեցումը՝ հաշվի առնելով էներգետիկ ոլորտում երկրների տարբեր հնարավորություններն ու հետաքրքրությունները», -ասաց Փաշինյանը՝ հավելելով, որ, այդուհանդերձ, էներգետիկ ոլորտում ընդհանուր շուկաների ձևավորման մասին ապագա պայմանագրի լրամշակման, ինչպես և վիճելի հարցերի շուրջ աշխատելու պատրաստակամության առումով զգալի առաջընթաց է գրանցվել:

«Հույս ունենք, որ այդ հարցերը կհաջողվի լուծել խելամիտ ժամկետներում», – նշեց Հայաստանի վարչապետը:

Հայաստանի կառավարության ղեկավարը հույս ունի, որ նշված հարցերը կհաջողվի լուծել խելամիտ ժամկետներում, և համոզված է, որ առաջադրված խնդիրների կատարման դեպքում ընդհանուր էներգետիկ շուկայից երկարաժամկետ հեռանկարում կշահեն ԵԱՏՄ-ի բոլոր երկրները, և կշահի Եվրասիական տնտեսական միությունը:

«ԵԱՏՄ-ում փոխադարձ առևտրի խոչընդոտների վերացումը միության գերակա առաջնահերթություններից է, որի նպատակն է ապահովել ԵԱՏՄ ներքին շուկաների գործունեությունը առանց առգրավումների և սահմանափակումների, այդ թվում՝ առանց խոչընդոտների, որոնք սահմանափակում են ԵԱՏՄ անդամ պետությունների ձեռնարկատերերի մուտքի ազատությունը: Այս ոլորտում առկա պայմանավորվածությունների կատարումը կամրապնդի միության գործունեության հիմքերը, իսկ միության ներսում խոչընդոտների բացակայությունը կբարձրացնի ոչ միայն անդամ պետությունների վստահությունը միմյանց նկատմամբ, այլև կբարձրացնի մեր մրցունակությունը արտաքին շուկաներում: Այս համատեքստում անհրաժեշտ եմ համարում ակտիվացնել առևտրի խոչընդոտների ներդրման և վերացման ջանքերը, արդյունավետ մատակարարման շղթաների համապատասխանեցումը, միության տարանցիկ ներուժի ավելացումը՝ հաշվի առնելով միության երկրների գործարար համայնքների շահերը և քաղաքացիների իրավունքները: Վստահ եմ, որ թվային տեխնոլոգիաների արդյունավետ ներդրումն ու զարգացումը կնպաստեն նաև խոչընդոտները նվազագույնի հասցնելուն կամ ամբողջությամբ վերացնելուն», – ընդգծեց Նիկոլ Փաշինյանը:

Հայաստանի վարչապետի խոսքով՝ այսօրվա դրությամբ ԵԱՏՄ-ի համար արդիական է նաև միության ներքին շուկաների պաշտպանությունը երրորդ երկրների տնտեսական ճնշման հետևանքով ի հայտ եկած բացասական էֆեկտի դեպքում:

«Հայաստանը պատրաստ է սերտ համագործակցության՝ այս հարցում ընդհանուր մոտեցում մշակելու ուղիներ գտնելու համար», – ասաց նա:

Փաշինյանը անդրադարձավ նաև համաշխարհային օրակարգի կարևորագույն և արդիական մարտահրավերներին, որոնց թվում առանձնանում է կլիմայական փոփոխությունների խնդիրը, որն, ըստ վարչապետի, ազդում է ոչ միայն տնտեսության, այլ սոցիալական գործընթացների վրա. «Այդ առնչությամբ անհրաժեշտ է փոխգործակցել կլիմայի փոփոխությունների հետևանքները մեղմելու նպատակով միջոցներ մշակելու և ձեռնարկելու, կանաչ տարածքների վերականգնումը խթանելու և ցածր արտանետումների մակարդակ ունեցող տնտեսությունների ադապտացման համար»:

Այս համատեքստում վարչապետ Նիկոլ Փաշինյանը կարևորեց Եվրասիական տնտեսական հանձնաժողովի աշխատանքը՝ միտված էկոլոգիապես մաքուր տրանսպորտի զարգացմանը:

«ԵԱՏՄ-ում էլեկտրամոբիլների շուկայի ձևավորման համար նախադրյալների ստեղծումը ելնում է տնտեսական անվտանգության և բնակչության առողջության շահերից: Վստահ եմ, որ դա նաև կնպաստի նոր տեխնոլոգիաների ավելի լայն ներդրմանը և ազգային տնտեսությունների արդիականացմանը, տնտեսության գիտելիքահեն ճյուղերի ներգրավվածության մակարդակի բարձրացմանը», – շեշտեց Նիկոլ Փաշինյանը՝ Եվրասիական տնտեսական հանձնաժողովին խնդրելով անդամ պետությունների հետ համատեղ ինտենսիվացնել աշխատանքը նշված ուղղությամբ՝ դրանում ակտիվորեն ներգրավելով գործարար համայնքներին և գիտական շրջանակներին:

Եզրափակելով իր խոսքը՝ վարչապետ Նիկոլ Փաշինյանը շնորհակալություն հայտնեց գործընկերներին համատեղ աշխատանքի համար և վերահաստատեց հայկական կողմի հանձնառությունը այն գաղափարներին, որոնք ընկած են եվրասիական ինտեգրման հիմքում:

Բաժիններ
Ուղիղ
Լրահոս
Որոնում