Ադրբեջանի ռազմական հաղթանակի այսպես ասած էֆեկտն անցնում է և զգացվում է խոշոր խաղացողների շահերի հակադրությունը: Հայաստանին «տաք-տաք» որևէ բան պարտադրելու մարտավարությունը չաշխատեց: Ակտիվ քննարկումներ են նշմարվում Մինսկի խմբի համանախագահ եռյակի շրջանակում: Իսկ, եթե եռյակը իրավիճակը վերստին վերցնի իր ձեռքը, ապա Ադրբեջանի նախագահին կամ հարկ կլինի խոստովանել, որ հակամարտությունը լուծված չէ, կամ հայտնվել իր հանրության տհաճ հարցադրումների առաջ: Երևանը Մինսկի խմբի համանախագահներին չի խանգարում աշխատել, ինչը գուցե ավելի է նյարդայնացնում Ալիևին: Թեմայի շուրջ «Առաջին լրատվական»-ը զրուցել է «Արդար Հայաստան» կուսակցության նախագահ Նորայր Նորիկյանի հետ: