ԱՄՆ -ում հոկտեմբերի 12 -ին Կոլումբոսի ազգային օրվա հետ կապված հանգստյան օրերի ընթացքում ԱՄՆ-ում փոխհրաձգության հետևանքով 109 մարդ է զոհվել, ավելի քան 300 -ը՝ վիրավորվել: Այս մասին հայտնել է Gun Violence Archive – ը՝ շահույթ չհետապնդող հետազոտական խումբը, որը գրանցում է երկրում հրազենի կիրառման բոլոր դեպքերը։
ԱՄՆ իշխանությունները երկուշաբթի՝ հոկտեմբերի 11 -ը, հայտարարել էին լրացուցիչ հանգստյան օր:
Հոկտեմբերի 9 -ին երկրում 77 մարդ է տուժել հրազենի կիրառումից, սպանվել է 24 մարդ: Հոկտեմբերի 10 -ին 58 մարդ է զոհվել, 166 -ը վիրավորվել է: Հոկտեմբերի 11 -ին եղել է 27 զոհ, 62 վիրավոր:
Բացի Ջորջիայի բարերում կրակոցներից, 26-ամյա ոստիկան է գնդակահարվել և սպանվել: Չիկագոյում կիրակի գիշերը մի խումբ երիտասարդների վրա կրակել են մեքենայից: 32-ամյա տղամարդը մահացել է կրծքավանդակին ստացած վնասվածքից, 30-ամյա երիտասարդը վիրավորվել է ոտքից, երկու աղջիկ՝ 22 և 25 տարեկան, վիրավորվել են ոտքից և մեջքից, ևս 25-ամյա մի աղջիկ գնացել է հիվանդանոց՝ ոտքին հրազենային վնասվածքով:
Շաբաթ երեկոյան Նյու Յորքի նահանգի կենտրոն Օլբանիում հրաձգության ժամանակ զոհվել է 1, վիրավորվել՝ 6 մարդ: Հարավային Կարոլինայում 2-ը գնդակահարվել են գիշերային ակումբի մոտ, իսկ 3-ը՝ վիրավորվել: Մինեսոտա նահանգի ժամանցի օբյեկտի ուղղությամբ հրաձգության հետևանքով զոհվել է 1 մարդ, վիրավորվել՝ 14 -ը:
