Այն քաղաքացիներին, որոնք չեն ցանկանում կամ չեն կարող որոշել պատվաստվել կորոնավիրուսի դեմ, կարելի է պատվաստել քնած վիճակում: Այս առաջարկն արել է Ֆիլիպինների նախագահ Ռոդրիգո Դուտերտեն, գրում է ՏԱՍՍ-ը:
«Ես գիտեմ, որ շատերը դեռ չեն ցանկանում (պատվաստվել- խմբ.): Եկեք բարձրանանք նրանց տուն և պատվաստենք, մինչ նրանք քնած են»,- ասել է Դուտերտեն հեռուստատեսային ուղերձի ժամանակ:
Նա նաև հավելել է, որ պատրաստ է անձամբ ղեկավարել իր նախաձեռնությունը: Պետության ղեկավարը մեկ անգամ ևս հիշեցրել է պաշտպանիչ դիմակ կրելու և սոցիալական հեռավորություն պահպանելու անհրաժեշտության մասին: Նշվում է, որ Ֆիլիպիններում պատվաստվել է ավելի քան 23 միլիոն մարդ: Իշխանությունները նախատեսում են մինչև տարեվերջ պատվաստել մինչև 70 միլիոն քաղաքացու:
Մինչդեռ Նյու Յորքում Բրազիլիայի նախագահին թույլ չեն տվել մտնել ռեստորան: Ժաիր Բոլսոնարոն պատվաստված չի եղել կորոնավիրուսային վարակի դեմ: Իսկ Նյու Յորքի ռեստորաններ մուտք գործելու համար անհրաժեշտ է պատվաստված լինել:
