Ռուսաստանի մայրաքաղաքի տարածաշրջանում ոստիկանները «Գրոմ» հատուկ ստորաբաժանման աշխատակիցների մասնակցությամբ ձերբակալել են 15 մարդու, որոնք կասկածվում են 600 կիլոգրամ ընդհանուր քաշով ուժեղ ներգործող նյութերի իրացման մեջ: Այդ մասին հաղորդել Է Ռուսաստանի ՆԳ նախարարության ներկայացուցիչ Իրինա Վոլկը:
Ոստիկանությունում երկու կասկածյալների համարում են խմբի կազմակերպիչներ, մնացածներին՝ մասնակիցներ: Ձերբակալվածների թվում կա մերձավոր արտասահմանից եւ Ռուսաստանի մի քանի տարածաշրջաններից սերվածներ:
Ըստ հետաքննության վարկածի, նրանք ստեղծել են առեւտրային կառույց, որը լիցենզիա Է ստացել դեղագործական գործունեության համար:
Նրանք արտադրողներից մեծածախ պարտաաստուկներ են ձեռք բերել, որոնք պարունակում են ուժեղ ներգործող նյութեր, դրանք հանձնել են դեղատների աշխատակիցներին: Դեղատներում դրանց վրայից հանել են մակնշումը եւ պատրաստուկները թմրամոլներին վաճառել կանխիկ փողի դիմաց՝ գնային արժեքը մեծացնելով ավելի քան տասն անգամ:
Տանը եւ աշխատանքի վայրում իրականացված խուզարկությունների ժամանակ կասկածյալների մոտ գտել են 58 հազարից ավելի սրվակ եւ 70 հազար դեղապատիճ, որոնք պարունակել են 600 կիլոգրամ ուժեղ ներգործող նյութեր:
Նաեւ առգրավել են փող, փաստաթղթեր, պետական, առեւտրային եւ բժշկական կազմակերպությունների բանկային քարտեր, կնիքներ եւ շտամպներ, բժիշկների անձնական կնիքներ, դեղատոմսերի բլանկներ եւ այլ հանցանշաններ: Բերման ենթարկվածներից չորսին կալանավորել են, երկուսը ենթարկվել են տնային կալանքի, ինը մնացել են ազատության մեջ՝ երկրից չբացակայելու ստորագրությամբ, հայտնել Է Վոլկը: Նրանց նկատմամբ հարուցվել Է քրեական գործ՝ ուժեղ ներգործող նյութերի անօրինական շրջանառություն՝ կազմակերպված խմբի կազմում իրացնելու նպատակով հոդվածով (Քրեական օրենսգրքի 234 հոդվածի 3-րդ մաս), հաղորդել Է «Ինտերֆաքս»-ը:
