Արցախում նախօրեին տեղի ունեցած ՏԻՄ ընտրություններին ընդհանուր առմամբ մասնակցել է 440 ընտրող կամ ընտրողների 59,2 տոկոսը:
Մասնակցությունը տարբեր համայնքներում տարբեր է եղել: Ասկերանի Խաչմաչ համայնքում ընտրություններին մասնակցել է 69.4 տոկոսը, Ծաղկաշատում՝ 66.7 տոկոսը, Մարտակերտի Նոր Ղազանչիում՝ 70.4 տոկոսը և Մարտունու շրջան
Հերհեր համայնքում ՝50.9 տոկոսը:
Մարտունու ավագանու անդամ Արտակ Մկրտչյանը «Առաջին լրատվական»-ի հետ զրույցում նկատեց, որ Մարտունու Հերհեր համայնքում ցածր մասնակցությունը հիմնականում պայմանավորված է եղել նրանով, որ համայնքի ղեկավարի միայն մեկ թեկնածու էր առաջադրված. «Մարդիկ մտածել են, որ մեկ է՝ անցնելու է, իզուր ժանմանակ չկորցնենք, գնանք ընտրության, մանավանդ հիմա գյուղատնտեսական աշխատանքների սեզոնն է, խաղողաքաղ է, բերքահավաք է, մարդիկ աշխատում են»,-ասաց նա՝ հավելելով. «Ինձ թվում է, որ մի քանի համայնքում ընտրություններ են կազմակերպվում, տեսնեն՝ դրսից ինչ ճնշումներ են լինում, որովհետև ասել էին՝ Արցախում չպետք է լինեն ընտրություններ»:
Նույն խնդրի առնչությամբ Մարտունու տարածքային ընտրական հանձնաժողովի նախագահ Հայկ Պետրոսյանն ասաց. «Անցել է նորմալ, դիմում-բողոքներ չեն եղել: Հերհերում 399 ընտրողներից ընտրությանը մասնակցել է 203-ը կամ մոտ 51 տոկոսը. «Համայնքի ղեկավարի միակ թեկնածուն՝ Արման Ալեքսանյանը ստացել է 139 կողմ, 48 դեմ, 16 անվավեր ձայն: Պասիվությունը բացատրվում է նախ այն իրականությամբ, որի մեջ ապրում ենք: Երկրորդ, ինքը փաստորեն միակ թեկնածուն էր, մրցակցություն չկար: Չնայած, եթե նայում ենք, որ 48 ընտրող դեմ է քվեարկել, կարող ենք ասել, որ մրցակցություն էլ է եղել:
Մյուս կողմից արդիկ սիրտ չունեին ընտրությունների գնալու: Այդ գյուղը բավականին թվով զոհեր է տվել: Նախկինում Հերհերում կամ այլ համայքներում մասնակցությունը 65 տոկոսի էր հասնում»:
Նա տեղեկացրեց, որ Արման Ալեքսանյանն արդեն 1 տարի պաշտոնակատար է, իսկ մինչ այդ եղած համայնքի ղեկավարը զոհվել է 44-օրյա պատերազմում: