Վերջին շրջանում ականատես ենք մի գործընթացի, թե ինչպես է հանքարդյունաբերության ոլորտը արևմտյանից անցնում ռուսականին։ Վերջին գործարքն էլ դրա վառ օրինակն է։ Զանգեզուրի պղնձամոլիբդենային կոմբինատի բաժնետոմսերի 25 տոկոսը նվիրատվությամբ անցավ Հայաստանի կառավարությանը։ Ի՞նչ է կատարվում հանքարդյունաբերության ոլորտում, այսպիսի քաղաքականությունն ինչո՞վ է պայմանավորված։ Թեմայի շուրջ «Առաջին լրատվական»-ը զրուցել է Շրջակա միջավայրի նախարար Ռոմանոս Պետրոսյանի հետ:
Նախարարի խոսքով՝ հանքարդյունաբերության ոլորտում օրենքի և իրավունքի դիկտատուրա է հաստատվում:
ԶՄՊԿ-ի գործարքը Ռոմանոս Պետրոսյանը աննախադեպ է համարում․ «Տնտեսական հսկայի մի մեծ փաթեթ անցնում է ժողովրդի իշխանությանը:Փայ մտնելը, մութ գործարքները լինում են այն պարագայում, երբ կլանները պետությունից մասնավորեցնում են: Ընդերքը անբեկանելի ազգային հարստություն է: Պետությունը ժողովրդի սեփականության հանդիսացող ընդերքօգտագործման հետ սկսել է հաշվի նստել»: