Պատվաստման ցուցանիշն ամեն օր ընկնում է, այսօր այդ թիվը յոթ հազար է, ինչը շատ քիչ է: Բոլորին խնդրում եմ դիմել պատվաստումների կենտրոններին: Երկրում բավականաչափ պատվաստանյութեր կան, և բոլորը պետք է պատվաստվեն»,- 1tv.ge-ի փոխանցմամբ՝ Վրաստանի Առաջին ալիքին ասել է Հիվանդությունների վերահսկման ազգային կենտրոնի ղեկավար Ամիրան Գամկրելիձեն:
Նրա խոսքով ՝ փաստն այն է, որ վերջին 5-6 օրերի ընթացքում կորոնավիրուսով վարակվածների թիվն ավելանում է:
«Որքանով կայուն կլինի այդ դեպքերի աճը, կերևա հաջորդ շաբաթ: Փաստն այն է, որ վերջին մեկ շաբաթվա ընթացքում բոլոր ցուցանիշները, նոր դեպքերի թիվը, դրականության և վերարտադրության ցուցանիշները վատացել են: Ըստ այսօրվա տվյալների ՝ վերարտադրության ինդեքսը շատ ավելի բարձր է, քան մեկը, ինչը կանխատեսմամբ շատ անհարմար է: Եթե սա հինգերորդ ալիքի սկիզբն է, նշանակում է, որ հինգերորդ ալիքի մեկնարկային թվերը շատ ավելի բարձր են, քան չորրորդ կամ երրորդ ալիքի սկզբում», – հայտարարել է Գամկրելիձեն:
Գամկրելիձեի խոսքով ՝ այսօր չափահաս բնակչության միայն 30,5%-ն է երկու անգամ պատվաստվել:
