ՌԴ ԱԳՆ ՄՄՀՊԻ միջազգային հետազոտությունների ինստիտուտի առաջատար գիտաշխատող Նիկոլայ Սիլաևը «Առաջին լրատվական»-ի հետ զրույցում անդրադարձավ 3+3 ձևաչափի հեռանկարներին և կարծիք հայտնեց, որ այն այնքան էլ հեռանկարային չէ․«Թուրքական կողմը երկու առաջնորդների հանդիպման համար նախապայմաններ է առաջ քաշում։ Եթե նայենք դիվանագիտական էթիկայի տեսանկյունից, ապա նրա պատասխանը բարիդրացիական չէ։ Նախապայմանների առաջ քաշումը՝ հատկապես Լեռնային Ղարաբաղի կարգավիճակի ճշգրտման իմաստով, հանդիպման փաստը դարձնում է անհնարին։ Դժվար է ենթադրել, որ Հայաստանը կհրաժարվի այն տեսանկյունից, որն առաջ էր քաշում տարիներ շարունակ։ Այդ պատճառով էլ նշում եմ, որ այն ինչ տեսնում ենք թուրքական կողմից, չի ենթադրում, որ այդ երկիրը մեծ ցանկություն ունի, որ այդ ֆորմատը կյանքի կոչվի»։
Մեր զրուցակցի դիտարկմամբ՝ Ղարաբաղի կարգավիճակի հարցը լուծված չէ․«Ես կարգավիճակի հարցի լուծված լինելը համարում եմ այն, երբ ստորագրված է լինում ինչ-որ փաստաթուղթ, բոլոր կողմերի ստորագրությամբ։ Բայց նման փաստաթուղթ չկա»։
Սիլաևը նշում է, որ անհնար է չքննարկել Ղարաբաղի կարգավիճակի հարցը, այլ տարբերակներ գոյություն չունեն․«Ի՞նչ տարբերակներ կան, Լեռնային Ղարաբաղի հայերը հեռանա՞ն այնտեղից, դա էթնիկական զտում է։ Կան այնպիսի փորձեր, բայց դա միջազգային հանրության հավանությանը չի արժանանա»։
Հարցազրույցն ամբողջությամբ՝ տեսանյութում