ՌԴ ԱԳՆ ՄՄՀՊԻ միջազգային հետազոտությունների ինտիտուտի եվրոատլանտյան անվտանգության կենտրոնի առաջատար գիտաշխատող Սերգեյ Մարկեդոնովի կարծիքով՝ Լեռնային Ղարաբաղի կարգավիճակի շուրջ քննարկումներն ընթանում են։ Հարցին ինչքանո՞վ է հնարավոր ֆիսել այդ կարգավիճակը Մարկեդոնովն ասաց, թե կասկածում է․ «Կա Մինսկի խումբ, ով ասում է, որ կարգավիճակը բանակցային գործընթացի մի մասն է և այն պետք է քննարկվի։ Մոսկվայի դիրքորոշումն ավելի զգուշավոր է, ասում են՝ եկեք նախ փորձենք ինչ-որ կերպ տրանսպորտային կոմունիկացիներն ապաշրջափակենք, հետո կվերադառնանք կարգավիճակին»։
Ըստ Մարկեդոնովի՝ ի սկզբանե բանակցային գործընթացը բաղկացած էր երկու մասից․ «Դրանք այն շրջաններն էին, որոնք Ադրբեջանը անվանում էր օկուպացված, իսկ հայերը՝ այլ կերպ, բայց միջազգային մակարդակում այն օկուպացված էին համարում։ Եվ երկրորդը՝ Ղարաբաղի կարգավիճակը։ Մեկը լուծվել է ոչ թե բանակցային ճանապարհով, այլ պատերազմով, իսկ մյուսը դեռ կտեսնենք»։
Այժմ, ըստ մեր զրուցակցի ստատուս-քվոն խախտված է, Ադրբեջանը հաղթող է, իսկ հաղթողին բնորոշ է պայմաններ թելադրել․ «Մինսկի խումբը չի կարող աշխատել ավելին, քան անում է։ Մինսկի խմբի գործն է առաջարկներ ներկայացնել, իսկ կողմերը պետք է օգտվեն նրա առաջարկներից»։
Խոսելով 3+3 ձևաչափի մասին, Մարկեդոնովն ասաց, որ այն Մինսկի խումբն այլընտրանք չէ․ «ՌԴ ԱԳՆ-ն միշտ ասել է, որ Մինսկի խումբը գործընթացի կարևոր բաղկացուցիչ մաս է։ Դուք սպասում եք, որ այն ֆորմատը, որ քննարկվում է , միանգամից սկսեի աշխատել։ Բայց Վրաստանին ինչպե՞ս եք այստեղ խցկելու»։
Ըստ նրա՝ շատ բան պետք է արվի, որ այդ ձևաչափը աշխատի:
Հարցազրույցն ամբողջությամբ՝ տեսնայութում
