Տարեսկզբից տասներեքերորդ անգամ Չինաստանի իշխանությունները բարձրացրել են բենզինի և դիզվառելիքի մանրածախ գները երկրի ներսում: Այս մասին ասված է շաբաթ օրը ՉԺՀ-ի զարգացման և բարեփոխումների պետական կոմիտեի կայքում հրապարակված հաղորդագրության մեջ:
Մեկ տոննա բենզինի արժեքը հոկտեմբերի 10-ից կաճի 345 յուանով (մոտ 53,4 դոլար), իսկ դիզելային վառելիքինը`330 յուանով (մոտ 51 դոլարով): Համապատասխան ճշգրտումից հետո մեկ տոննա բենզինը կարժենա 8 855-ից 9 295 յուան (1370 դոլարից մինչև 1438 դոլար), իսկ դիզելային վառելիքի գինը կլինի 7 955 յուանից մինչև 8 295 յուան (1231 դոլարից մինչև 1248 դոլար):
Բենզինի և դիզվառելիքի գները տարբեր են Չինաստանի տարբեր շրջաններում՝ իշխանությունների կողմից հատկացված սուբսիդիաների պատճառով: Ամենաբարձրը ավանդաբար սահմանվում է Չենդու քաղաքում, իսկ ամենացածրը` Սինցզյան-Ույղուրական ինքնավար շրջանում:
Համաձայն Չինաստանում վառելիքի գների պետական կարգավորման ներկայիս քաղաքականության, եթե համաշխարհային շուկայում նավթի գների փոփոխությունը հանգեցնում է ներքին շուկայում մեկ տոննա նավթամթերքի արժեքի ավելացման կամ նվազման ավելի քան 50 յուանով, և այդ իրավիճակը պահպանվում է 10 աշխատանքային օր, ապա բենզինի և դիզվառելիքի գները ճշգրտվում են:
