Аэрофлот-ը գրավել է 9-րդ տեղը՝ 2010 թվականի շահույթի չափով Եվրոպայի բոլոր ավիաընկերությունների մեջ Airline Business ամսագրի վարկանշով:
Ինչպես գրում է Российская газета-ն, վարկանիշի կազմման ժամանակ Airline Business-ը առաջին հերթին շեշտը դնում է ավիաբիզնեսի տնտեսական բաղադրիչի վրա:
Հետճգնաժամային 2010 թվականը հաջող էր ավիափոխադրումների շուկայի մասնակիցներից ոչ բոլորի համար: Խնդիրներ կային ավիացիոն վառելիքի գնի հետ կապված, նույնիսկ ոչ բոլոր ազգային տնտեսություններն էին իրենց վստահ զգում:
Դա չխանգարեց Аэрофлот-ին՝ լավացնել իր ֆինանսական ցուցանիշները. անցած տարվա տվյալներով ռուսական խոշորագույն փոխադրողի և իր դուստր ձեռնարկությունների շահույթը գերազանցել է 4 մլրդ 300 մլն դոլարը:
Այդպիսով, անցած տարվա վարկանշային ցուցանիշի հետ համեմատելով՝ Եվրոպայի ավիաընկերությունների մեջ Аэрофлот-ին հաջողվել է 12-րդից բարձրանալ 9-րդ տեղ:
Իսկ աշխարհի 150 խոշորագույն ավիաընկերությունների մեջ այն 34-րդն է, անցած տարվա համեմատ բարձրացել է 1 տողով: Գլոբալ վարկանիշի առաջին տեղում է գերմանական Lufthansa Group-ը:
