Բաթումում փրկարարները շենքի փլատակներից դուրս են բերել ևս մեկ մարդու: Նա փլատակների տակ էր մոտ ինը ժամ:
Կնոջը տեղափոխել են Բաթումի հիվանդանոց:
Ինչպես Վրաստանի Առաջին ալիքին հայտնել է «Էվեքս» կլինիկայի մամուլի ծառայությունը, բժիշկները կնոջ վիճակը գնահատում են շատ ծանր: Այս պահին կլինիկան ձեռնպահ է մնում այլ մեկնաբանություններից:
Այս պահին որոնողափրկարարական աշխատանքներ են իրականացնում արտակարգ իրավիճակների կառավարման ծառայության աշխատակիցները:
Բաթումիում, Մայիսի 26-ի փողոցում գտնվող բնակելի շենքի մի մասը փլուզվել է: Այս պահին փրկարարական աշխատանքներ են ընթանում: Րոպեներ առաջ շենքի փլատակների տակ մնացած մեքենայից դուրս է բերվել և հիվադանոց տեղափոխվել փոքր երեխա: Բացի այդ, քիչ անց, փրկարարները փլատակներից դուրս են բերել ևս մեկ երեխայի:
Ավելի վաղ Վրաստանի ներքին գործերի նախարար Վախտանգ Գոմելաուրին լրագրողների հետ զրույցում ասել է, որ Բաթումիում շենքի փլուզման հետևանքով փլատակների տակ է մոտ 10-15 մարդ, որոնցից երկուսը հեռախոսային կապ ունեն ներքին գործերի նախարարության հետ:
Բացի այդ, ինչպես հայտարարում են ՆԳՆ-ում, Բաթումիում բնակելի շենքի փլուզման գործով հետաքննություն է սկսվել, տուժածների մասին տվյալները ճշտվում են:
Տեսանյութը` այստեղ։