Այսօր 08:20 ծրագրված Երևան-Մոսկվա-Երևան NGT 932/931 չվերթը չեղարկվել է։ «Արմենիա» ավիաընկերության տնօրենի տեղակալ Գևորգ Խաչատրյանը Facebook–ի իր էջում պարզաբանել է, որ նախքան չվերթի իրականացումը, օդանավի անձնակազմը նախաչվերթային ստուգման ընթացակարգերի ընթացքում հայտնաբերել է տեխնիկական խնդիր և, անվտանգության նկատառումներից ելնելով, օդանավի հրամանատարը որոշում է կայացրել չիրականացնել չվերթ։
Տվյալ չվերթով դեպի Մոսկվա և հակառակ ուղղությամբ պետք է ուղևորվեին 240 ուղևոր:
«110 ուղևորի ավիատոմս արդեն իսկ փոխվել է «Արմենիա» ավիաընկերության հաջորդ չվերթերի ավիատոմսով:86 ուղևորի համար գնվել է այլ ավիաընկերությունների չվերթերի ավիատոմս: 15 ուղևորի վերադարձվել է ավիատոմսի գումարը։ 29 ուղևորների հետ մեր աշխատակիցները շարունակում են լինել կապի մեջ՝ սպասելով ուղևորների վերջնական որոշմանը»,–տեղեկացրել է Խաչատրյանը:
Նա նաև տեղեկացրել է, որ չվերթի հետ կապված բոլոր լրացուցիչ ծախսերը՝ COVID 19 թեսթի հանձնում, հյուրանոցի ապահովում և տրանսպորտային բոլոր ծախսերը հոգացել և հոգում է ավիաընկերությունը: