TotoGaming-ը և Երևանի «Արարատ» ֆուտբոլային ակումբը համագործակցության նոր պայմանագիր կնքեցին։ Հիշեցնենք, որ արդեն մեկ տարի է, ինչ TotoGaming-ը հանդիսանում է «Արարատ» ֆուտբոլային ակումբի տիտղոսային հովանավորը։ Անցյալ տարի կնքված համագործակցությունից հետո Երևանի «Արարատը» դարձավ Հայաստանի գավաթակիր, ինչպես նաև տպավորիչ ելույթով աչքի ընկավ Կոնֆերենցիաների լիգայի խաղարկությունում։ Մասնավորապես, որակավորման փուլում մեր թիմը պայքարից դուրս թողնեց հունգարական հեղինակավոր ակումբներից՝ «Ֆեհերվարիին»։
«TotoGaming ձևավորում է նոր մշակույթ, որը լուրջ խթան է հայկական ֆուտբոլի մասսայականացման և զարգացման գործում»,- TotoGaming-ի ներկայացուցիչների հետ համատեղ մամուլի ասուլիսի ժամանակ ասաց «Արարատի» գործադիր տնօրեն Արթուր Նազարյանը։ Վերջինս հույս հայտնեց, որ շնորհիվ TotoGaming-ի հետ համագործակցության երևանյան ակումբը էլ ավելի կմոտենա իր մեծ նպատակին։
««Արարատի» համար հաջող տարի էր։ Դե իսկ թիմի հաջողությունն արդեն մեր հաջողությունն է։ Գավաթը տարանք, այս տարի էլ սպասում ենք երկրի չեմպիոնության։ Ավելի քան ոգևորված ենք շարունակելու չեմպիոնական ուղին։ Սպասում ենք նոր ձեռքբերումների։ Եվրոպայում նույնպես հաջողություններ ենք ունենալու»,- ասաց TotoGaming-ի մարքեթինգի բաժնի ղեկավար Թերեզա Թոքմաջյանը։ Վերջինս նշեց նաև, որ սպորտային ակումբների և անհատների հետ համագործակցությունն ունի նպատակ փոխելու հասարակության մեջ բացասական կարծրատիպը տոտալիզատոր ընկերությունների գործունեության նկատմամբ. «Ցանկանում ենք՝ բոլորը տեսնեն, որ մենք պատրաստակամ ենք ներդնելու պատկառելի ֆինանսական և ինչու չէ՝ աշխատանքային ռեսուրսներ բարձր գաղափարի, այս դեպքում՝ հայրենական սպորտի զարգացման մեջ, սա հայտարարում եմ ամենայն անկեղծությամբ»,- հայտարարեց Թերեզա Թոքմաջյանը։
Ասուլիսին ներկա «Արարատի» կիսապաշտպան Դավիթ Մանոյանը, որն ի դեպ դարձել է TotoGaming-ի դեսպանն իր հերթին նշեց, որ շնորհիվ համագործակցության «Արարատը» որակական աճ է գրանցել նախորդ մրցաշրջանում։ Մանոյանը լիահույս է, որ ընթացիկ մրցաշրջանում հայկական ամենատիտղոսակիր ակումբը կզարգացնի հաջողությունը։
«Առաջի լրատվական»-ի հարցին, թե ինչ գործառույթներ պետք է իրականացնի «դեսպանը», Մանոյանը, մասնավորապես, ասաց․ «Հիմնական խնդիրը մեր երկրում մարզաձևի մասսայականացնում է։ Կանեմ հնարավորինս Հայաստանում ֆուտբոլի զարգացման գործում օգտակար լինելու համար»։
Մանոյանը նշեց նաև, որ ֆուտբոլի զարգացման գործառույթների շրջանակում մեծ սիրով մաստեր կլասս կանցկացնի TotoGaming-ի աշխատակիցների համար։ Արձագանքելով Մանոյանի դիտարկումներին՝ Թերեզա Թոքամաջյանը հավելեց, որ Մանոյանն իր առաքելությամբ պետք է օրինակ հանդիսանա ֆուտբոլում և սպորտում հաջողություններ և բարձր նվաճումների հասնելու։