Թուրքիայի պաշտպանության նախարար Հուլուսի Աքարը Վրաստանի և Ադրբեջանի պաշտպանության նախարարների հետ հանդիպելուց հետո պատասխանել է լրագրողների հարցերին։ Նա նշել է, որ զինումը, որևէ օգուտ չի տալու Հունաստանին, փոխանցում է Ermenihaber-ը։
Աքարը հայտարարել է, որ Հունաստանը շարունակում է համառորեն խախտումներ անել Կրետեի արևելքում, Կիպրոսի հյուսիս-արևմուտքում», բայց իրենք հավատում են, որ խնդիրները կարող են լուծել լավ հարևանային կապերի և երկխոսության շրջանակում։ Նա միաժամանակ նշել է, որ թույլ չեն տա Թուրքիայի և «Հյուսիսային Կիպրոսի Թուրքական Հանրապետության» իրավունքների ոտնահարում։
Հուլուսի Աքարն անդրադարձել է նաև վերջին շրջանում Հունաստանի սպառազինության համալրման հարցին։
«Մեր հարևան Հունաստանը պետք է հասկանա, որ որոշ երկրների աջակցությանը, սադրանքներին տրվելը և տարբեր նախաձեռնություններ իրականացնելը ոչ մի օգուտ չի տալու»,- շեշտել է նա։