Առնվազն 30 մարդ զոհվել, 10-ը՝ տուժել են Բամբարի քաղաքից ոչ հեռու զինյալների զինված հարձակման հետեւանքով, որը գտնվում Է Կենտրոնաֆրիկյան Հանրապետության (ԿԱՀ) կենտրոնական մասի Ուակա պրեֆեկտուրայում, տեղեկացնում Է «Արմենպրես»-ը: Այդ մասին, ՌԻԱ Նովոստիին ասել Է քաղաքագլուխ Աբել Մատչիպատան:
Մատչիպատայի խոսքով՝ զինյալները հարձակումը կատարել են հոկտեմբերի 5-ի գիշերը՝ Բամբարիից 20 կիլոմետր հեռավորության վրա: Նա հավելել Է, որ հարձակման վայր են ուղարկվել ավտոմեքենաներ՝ տուրժածներին հիվանդանոց, իսկ զոհվածներին քաղաք տեղափոխելու համար:
«Մենք շրջապատված ենք: Քաղաքի կենտրոնում կան զինվորներ, բայց զինյալները գտնվում են միայն 10 կիլոմետր հեռավորության վրա: Ես կոչ եմ անում՝ մեծացնել Կենտրոնաֆրիկյան Հանրապետության ազգային բանակի զինվորների թվաքանակը քաղաքի շրջանում՝ խաղաղ բնակչությանը պաշտպանելու համար»,-հայտարարել Է քաղաքագլուխը:
Իրադրությունը ԿԱՀ-ում սրվել Է 2013 թվականի դեկտեմբերի սկզբին, երբ Բանգիում բախումներ տեղի ունեցան «Սելեկա» նախկին իսլամական խմբավորման եւ նրանց դիմակայող հուսի-ապստամբների միջեւ: ՄԱԿ-ի տվյալներով՝ 2018 թվականի հուլիսի վերջին հակամարտության ժամանակաշրջանում մինչեւ 1 միլիոն մարդ հարկադրված Է եղել լքել իրենց տները, զոհվել Է մոտավորապես 6 հազար մարդ:
