ԱՄՆ-ի Ալաբամայի Քորթլենդ քաղաքում Air-launched Rapid Response Weapon (ARRW) ծրագրի շրջանակներում աշխատանքն Է սկսել օդային բազավորման AGM-183A գերձայնային հրթիռների, ինչպես նաեւ ԱՄՆ-ի ռազմածովային ուժերի եւ բանակի համար գերձայնային համակարգերի արտադրական ձեռնարկությունը: Այդ մասին, հաղորդել Է Lockheed Martin ամերիկյան կորպորացիան:
Կորպորացիայի՝ ավելի քան 6 հազար քառակուսի մետր տարածությամբ ձեռնարկությունում, որն ստացել Է Հրթիռների հավաքման շենք-4 (Missile Assembly Building 4 – MAB 4) անվանումը, մինչեւ հաջորդ տարվա վերջը պլանավորվում Է ԱՄՆ-ի ռազմաօդային ուժերի համար արտադրել առնվազն 12 օդային բազավորման առաջին AGM-183A գերձայնային հրթիռներ: Մինչդեռ այս հրթիռները դեռ ոչ մի հաջող փորձարկում չեն անցել: 2021 թվականին հրթիռի թեստային արձակման արդեն երկու փորձ Է ձեռնարկվել B-52H Stratofortress ռազմավարական ռմբակոծիչից՝ Կալիֆոռնիայի մերձակայքի Փոյինթ-Մուգու զինափորձարանի երկնքում, որոնք անհաջողությամբ են ավարտվել:
Առաջին դեպքում հրթիռը չի անջատվել ինքնաթիռից, իսկ երկրորդ դեպքում չի աշխատել նրա արագացուցիչը: Այդուամենայնիվ, ԱՄՆ-ի պաշտպանության նախարարության ներկայացուցիչները հայտարարում են, որ բոլոր տեխնիկական խնդիրները շուտով կվերացվեն եւ մինչեւ հաջորդ տարվա վերջը ամերիկացի զինվորականները կստանան առաջին համակարգերը: Ինչպես հետեւում Է Պենտագոնի տվյալներից, պլանավորվում Է, որ արտադրությունն սկսելուց առաջ պետք Է անցկացվի AGM-183A ARRW-ի երկու հաջող փորձարկում: Հրթիռը մշակվում Է Lockheed Martin ընկերության կողմից՝ Պենտագոնի հետ 480 միլիոն դոլար ընդհանուր գումարի պարտավորագրի շրջանակներում: Այն նախատեսված Է ոչ միայն ռազմաօդային ուժերի, այլ նաեւ ԱՄՆ-ի նավատորմի մարտական նավերի սպառազինման համար, հաղորդել Է «Ինտերֆաքս»-ը:
