Բժիշկ-սննդաբան Նատալյա Կրուգլովան նշել է գարեջուր խմելու բացասական հետևանքները, հաղորդում է «Մոսկվա 24» -ը:
Կրուգլովան ասել է, որ այն տարան, որում պահվում է գարեջուրը, կարող է վտանգավոր լինել: Դա պայմանավորված է նրանով, որ տարաները միշտ չէ, որ պատշաճ կերպով մշակվում են նախքան դրանք նորից օգտագործելը: Այս դեպքում կա վտանգ, որ տարայում կարող են հայտնվել միկրոօրգանիզմներ, ներառյալ պաթոգեն: «Գարեջուրը ըմպելիք է, որը պարունակում է պարզ ածխաջրեր: Դրանք կարող են ծառայել որպես միկրոօրգանիզմները սնուցող միջավայր», – ասել է բժիշկը: Նա ավելացրել է, որ գրեթե անհնար է ըմպելիքի գույնից և համից հասկանալ, որ այն լցվել է չմշակված տարայից:
Նման գարեջուր խմելու հետևանքով մարդու մոտ կարող են զարգանալ աղեստամոքսային համակարգի խանգարումներ, ինչպիսիք են վքնածությունը, նյութափոխանակության հետ կապված խնդիրները և թունավորումը: Ըստ Կրուգլովայի՝ սպառված գարեջրի քանակն ազդում է հնարավոր հետևանքների վրա: Միաժամանակ չկա համընդհանուր վտանգավոր քանակություն բոլորի համար, քանի որ ամեն ինչ կախված է օրգանիզմի առանձնահատկություններից:
Ըստ մասնագետի՝ եթե անձը չունի մարսողական համակարգի քրոնիկ հիվանդություններ, ապա ոչ պատշաճ մշակված տարայից գարեջուր խմելը կարող է որևէ կերպ չանդրադառնալ նրա վրա, կամ վատառողջությունը կտևի ոչ ավելի, քան մի քանի օր: Այնուամենայնիվ, եթե մարդը տառապում է տարբեր ծանրության աղեստամոքսային հիվանդություններից, գարեջուր խմելը կարող է դրանք ավելի խորացնել:
Սխալ ջերմաստիճանում պահվող չզտված լցնովի գարեջուրը նույնպես վտանգ է ներկայացնում սպառողների համար: Կրուգլովան նշել է, որ դրա մեջ կարող են տեղի ունենալ խմորման գործընթացներ, ինչի հետևանքով միկրոօրգանիզմներ են զարգանում, և խմիչքի համը փոխվում է: Սա կարող է առաջացնել օրգանիզմի թունավորում: