DeFi հարթակը տեխնիկական անսարքության պատճառով միլիոնավոր դոլարների լրացուցիչ COMP կրիպտոարժույթ է ուղարկել իր ծառայությունից օգտվողներին: Compound- ընկերության գործադիր տնօրեն Ռոբերտ Լեշերը Twitter- ում քաղաքավարի խնդրել է ծառայությունից օգտվողներին սեփական կամքով վերադարձնել գումարը:
Այս քաղաքավարությունը, սակայն կարճ ժամանակում վերածվել է զայրույթի. նույն Twitter- ում նա սպառնացել է, որ կբողոքի ԱՄՆ Ներքին եկամուտների ծառայություն նրանց դեմ, ովքեր չեն վերադարձնի կրիպտոարժույթը: Սակայն, դրանից հետո նա կրկին հանգստացել է, ներողություն խնդրել:
Ռոբերտ Լեշերը ասել է, որ տեղի ունեցածը չպետք է խաթարի հարթակի վստահելիությունը, և նման սխալներն ապակենտրոնացված տեխնոլոգիաների «ամենամեծ ռիսկերն» են:Նա նաև շնորհակալություն է հայտնել երկու անձի՝ բարեխղճության համար. նրանք ազնվորեն վերադարձրել էին սխալմամբ ստացված COMP- ը:
Ընկերությունը ինքնին չի տնօրինում այն ֆինանսները, որոնք անցնում են իր ծրագրով իր հարթակում: Բոլոր ռեսուրսներն ու գործիքները կենտրոնացած են օգտագործողների ձեռքում: Ըստ այդմ չկան ադմինիստրատորներ, որոնք կարող էին գոնե մասամբ ուղղել սխալը և հետևել սխալմամբ ուղարկված ակտիվներին:
