Ռազմական ինքնաթիռներ են ժամանել են Աֆղանստանում գտնվող ամերիկյան «Բագրամ» ավիաբազա: Հաղորդում է Daily Mail-ը:
Նշվում է, որ դրանից կարճ ժամանակ առաջ Պեկինը հայտնել էր, որ ամերիկյան զորքերի դուրսբերումից հետո շահագրգռված կլինի բազայի օգտագործմամբ: Ենթադրվում է, որ ժամանած ինքնաթիռները պատկանում են Չինաստանի ռազմաօդային ուժերին:
Պարբերականի տվյալներով ՝ արմատական «Թալիբան» շարժման զինյալները չունեն բավարար փորձ և ռեսուրսներ՝ ռազմաբազան ինքնուրույն պահելու համար: Միևնույն ժամանակ, չինական ուժերի ներկայությունը Աֆղանստանի տարածքում այդ երկրին հնարավորություն կտա կապեր հաստատելու հանրապետության նոր կառավարության հետ:
Սեպտեմբերի 16 -ին հաղորդվել էր, որ Չինաստանի արտգործնախարար Վան Յին կոչ էր արել ԱՄՆ -ին ստանձնելու Աֆղանստանի վերակառուցման պատասխանատվությունը՝ նրան տրամադրելով տնտեսական և հումանիտար օգնություն: Նրա խոսքով՝ ամերիկացի զինվորականների ու նրանց դաշնակիցների հապճեպ դուրսբերումը բազմաթիվ նոր խնդիրներ է ավելացրել երկրի համար: Դիվանագետը նշել է, որ Վաշինգտոնը չի կարող «պարզապես խուսափել պատասխանատվությունից և լվանալ ձեռքերը»:
