Արևմուտքը Վրաստանին հասկացնում է՝ մեսիաների ժամանակը անցել է․ Սաակաշվիլու շուրջ ֆեյք զարգացումներ են

Վրաստանի նախկին նախագահ Միխայիլ Սաակաշվիլին առավոտյան ֆեյսբուքյան էջում գրառում էր արել, իր համախոհներին բարի լույս մաղթելով Վրաստանից՝ ութ տարի անց: Դա բավականին անսպասելի էր, հաշվի առնելով, որ Սահակաշվիլին հայտարարել էր հոկտեմբերի 2-ին Վրաստան ժամանելու մտադրության մասին, այն էլ ավիաչվերթով: Սակայն, ավելի ուշագրավ էր այն, որ դրանից կարճ ժամանակ անց Սաակաշվիլին հրապարակում է իր մասնակցությամբ գիշերային տեսանյութ, որում նշում է, որ Բաթումիում է: Վրաստանի ներքին գործերի նախարարությունից, հայտնել են, թե Սաակաշվիլին չի հատել պետական սահմանը: Իրականում որտե՞ղ է Սաակաշվիլին։ Թեմայի շուրջ «Առաջին լրատվական»-ը զրուցել է վրացագետ Ջոնի Մելիքյանի հետ: