Հայկոն հրաշալի կոմպոզիտոր էր, հրաշալի մարդ։ Իր հրաշալի, ազնիվ ու մաքուր արվեստով ստեղծեց իր ուրույն ոճը։ Լրագրողների հետ զրույցի ժամանակ այս մասին ասաց երգահան Արա Գևորգյանը։
Նշենք, որ այս պահին ընթանում է երգիչ Հայկոյի հոգեհանգիստը։
«Նրա մեջ շատ սեր կար։ Պատահական չէ, որ իր երգերի մեջ սերն ամենաշատ տեղն էր գրավում, դա էլ հենց մեր երգարվեստում իր ուրույն տեղը գտավ։ Մեր հիշողության մեջ է մնալու այն հրաշալի երաժշտությունը, ինչ գրում ու երգում էր։ Ցավակցում եմ բոլորիս, որովհետև նա մի լավ գույն էր մեր երկրում։ Այդ գույնը, որ չկա, նրա տեղը պակաս է մնալու ու ոչ մի կոմպոզիտորի կողմից չի լրացվելու»,-նշեց Արա Գևորգյանը։
