Վլադիվոստոկում կանխել են այն գրոհը, որը պլանավորել Էր տեղի նեոնացիստը: Այդ մասին, հաղորդել են Անվտանգության դաշնային ծառայությունում (ԱԴԾ):
«Ձերբակալվել Է տարածաշրջանային «…» «Պրիմորիեյի աջեր» միավորման՝ 2000 թվականին ծնված պարագլուխը, որը ահաբեկչական գործողության նախապատրաստում Էր իրականացնում ինքնաշեն պայթուցիչ սարքի օգտագործյամբ»,-ասվում Է մամուլի տեղեկագրում: Արմատականը ցանկացել Է ազդել Ռուսաստանի միգրացիոն քաղաքականության վրա, հավելել են մամուլի ծառայությունում: Նրա տան խուզարկության ժամանակ գտել են պայթանյութի սինթեզման համար բաղադրիչներ, ինքնաշեն ռումբի պատրաստման եւ կիրառման հրահանգներ, ինչպես նաեւ չորս դանակ: Նաեւ առգրավվել Է աջարմատական խմբավորման կանոնադրությունը, որը «պարունակում Էր բռնի բնույթի հանցագործությունների կոչեր»:
Հարուցվել Է քրեական գործ ահաբեկչություն նախապատրաստելու վերաբերյալ: «Պրիմորիեյի աջերի» մասին ավելի վաղ ոչինչ հայտնի չի եղել: Որոնումը «Յանդեքս»-ում միայն մեկ հիշատակում Է տալիս «ՎԿոնտանտե»-ի օգտատերերից մեկի Էջում: Վերջին օրերին սա արդեն նեոնացիստների կողմից երկրորդ պատրաստվող ահաբեկչությունն Է, որի խափանման մասին հայտարարում Է ԱԴԾ-ն:
Սեպտեմբերի 27-ին հատուկ ծառայությունը հաղորդել Է Ուֆայում անօրինական խմբավորման հինգ մասնակիցների ձերբակալության մասին: Դրա հետ մեկտեղ մանրամասները չեն բացահայտվել. հայտնի Է միայն, որ երիտասարդները ձերբակալվել են, նրանց մոտ գտել են պայթանյութ եւ դրա բաղադրիչներ, հրահանգներ, սառը զենք եւ Երրորդ ռայխի պարագլուխների ու Ստեփան Բանդերի դիմանկարները, հաղորդել Է ՌԻԱ Նովոստին:
