Ռուսաստանից զենիթահրթիռային С-400 համակարգերի գնումն իմաստ ուներ՝ չնայած դրա հետ կապված Վաշինգտոնի հետ Անկարային հարաբերություններում ցնցմանը։ «Կարծում եմ, արժեր, մենք ամրապնդում ենք մեր պաշտպանությունն այնպես, ինչպես հարկ ենք համարում»,-ասել է Թուրքիայի նախագահ Ռեջեփ Թայիփ Էրդողանը The New York Times-ի հետ հարցազրույցում։
Նա ընդգծել է, որ եթե Վաշինգտոնը համաձայներ Անկարային վաճառել Patriot զենիթահրթիռային համալիրներ, թուրքական ղեկավարությունը ստիպված չէր լինի ձեռք բերել С-400-ները։
Այդուհանդերձ, թուրք առաջնորդը խոստովանել է, որ Վաշինգտոնի հետ հարաբերությունները նախկինի պես սկզբունքորեն կարևոր են Անկարայի համար։ «Թուրքիան վաղեմի հարաբերություններ ունի ԱՄՆ-ի հետ։ Դրանք կամրապնդվեն, անհրաժեշտ է դրանք պաշտպանել»,-ասել է նա։
