Ֆրանսիայի նախագահ Էմանուել Մակրոնը եւ Հունաստանի վարչապետ Կիրիակոս Միցոտակիսը պարտավորագիր են ստորագրել Աթենքին երեք ֆրեգատ մատակարարելու շուրջ: Այդ մասին, հաղորդել Է «Ֆրանսպրես» գործակալությունը:
«Հունաստանի կողմից երեք Belharra ֆրեգատի ձեռքբերումը, որոնք կառուցվելու են Ֆրանսիայում, «վստահության վկայություն Է», նշել Է Մակրոնը:
Ֆրանսիան եւ Հունաստանը շարունակում են պատմական համագործակցությունը:
Հունաստանը ֆրանսիական Naval Group-ն ընտրել Է իր ռազմածովային նավատորմը ֆրանսիական արտադրության երեք եւ լրացուցիչ չորրորդ ֆրեգատներով հանդերձելու համար»,-Ֆրանսիայի պաշտպանության նախարար Ֆլորանս Պառլին գրել Է Twitter-ի իր Էջում:
Ավելի վաղ Հունաստանի ԶԼՄ-ներում հայտնվել Էր մի տեղեկատվություն, որ սեպտեմբերի 27-ին Փարիզում սկսվող Միցոտակիսի այցի ժամանակ համաձայնագիր Է ստորագրվելու Հունաստանի ռազմածովային ուժերի համար ֆրանսիական չորս ֆրեգատների մատակարարման վերաբերյալ:
Նշվել Է, որ Աթենքը պլանավորում Է 5,5 միլիարդ եվրո ծախսել նոր նավերի համար, հաղորդել Է ՌԻԱ Նովոստին: