Մեկ տարի առաջ սեպտեմբերի 27-ին փոխվեց մեր պետության պատմության և նաև մեզանից յուրաքանչյուրի կյանքի հետագա ընթացքը: Պատերազմից հետո Ադրբեջանի նախագահը ոչ միայն տարածքային նոր հավակնություններ է ներկայացնում Հայաստանի նկատմամբ, սպառնում «խաղաղության պայմանագրով», այլև չի իրագործում անգամ նոյեմբերի 9-ի իր ստորագրած հրադադարի մասին հայտարարության 8–րդ կետը։ Մինչև օրս Բաքուն հրաժարվում է վերադարձնել հայ գերիներին, նրանց դեմ հարուցում է շինծու դատական գործեր, իսկ մեծ մասի վերաբերյալ հրաժարվում է տեղեկություն տրամադրել: Ալիևը չի գնում իրական խաղաղության կառուցման ճանապարհով։ Պատերազմից մեկ տարի անց իշխող քաղաքական ուժը ունի խաղաղության ձևակերպում: Թեմայի շուրջ «Առաջին լրատվական»-ը զրուցել է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանի հետ: