26.06.2020թ. ՀՀ Ազգային ժողովի նախկին պատգամավոր Արման Բաբաջանյանի կողմից ՀՀ հատուկ քննչական ծառայություն է ներկայացվել Հանցագործության մասին հաղորդում, ինչը նաև տեղադրված է ընդհանուր հասանելիության համացանցում: Արդյունքում, ներկայացված Հանցագործության հաղորդման հիման վրա, ՀՀ հատուկ քննչական ծառայությունում 06.07.2020թ. հարուցվել է 62218120 քրեական գործը: Այնուհետեև, սակայան, հարուցված քրեական գործի վարույթը կասեցվել է ՀՀ քրեական դատավարության օրենսգրքի 31-րդ հոդվածի 1-ին մասի 1)-ին կետի համաձայն, այն է` հայտնի չէ անձը, որը գործով պետք է ներգրավվի որպես մեղադրյալ:
Վարույթը կասեցնելու հիմքը մեղմ ասած անհասկանալի է, քանզի նույնիսկ իրավաբանության մեջ սիրողական մակարդակի գիտելիքներ ունեցողի համար էլ ակնհայտ պարզ է, թե որպես մեղադրյալ ո՞վ պետք է ներգրավվի, որովհետև ընդհանուր հասանելիության համացանցում հասանելի Հանցագործության մասին հաղորդման մեջ նշված են կոնկրետ անուն ազգանուններ: Ավելին` Հանցագործության մասին հաղորդման մեջ նշված Արամայիս Սարգսյանը նույնիսկ քանիցս Լևոն Յոլյանի կողմից տարբեր հանցագործություններ կատարելու մասին հրապարակային հաղորդումներ է ներկայացրել, ինչի վերաբերյալ նույն համացանցում առկա է համապատասխան տեսանյութ: 10.12.2020թ., ՀՀ Ազգային ժողովի նիստում պատգամավոր Ա. Բաբաջանյանը ՀՀ հաշվեքննիչ պալատի և մասնավորապես Լևոն Յոլյանի վերաբերյալ հրապարակել է հերթական աղաղակող փաստերը` նշելով, որ «Հաշվեքննիչ պալատը մաֆիական կաստա է… Եվ մենք ոչ մի միջոց՝ ոչ թերապևտիկ, ոչ վիրաբուժական մինչ օրս չենք ձեռնարկել»։
Ուստի, տվյալ պարագայում վարույթը կասեցնելու հիմքը նույնիսկ զավեշտալի ու ծիծաղելի է և պայմանավորված է միայն Լևոն Յոլյանի անձի հետ կապված հերթական կանխակալ և կողմնակալ վերաբերմունքի դրսևորման հետ: Հետևաբար, անհրաժեշտ է անհապաղ վերսկսել ՀՀ Ազգային ժողովի նախկին պատգամավոր Ա. Բաբաջանյանի կողմից 26.06.2020թ. ՀՀ հատուկ քննչական ծառայություն ներկայացված Հանցագործության մասին հաղորդման առնչությամբ կասեցված քրեական գործի վարույթը` գործով որպես մեղադրյալ ներգրավվելու ենթակա անձ հանդիսացող Լևոն Յոլյանի վերաբերյալ տեղեկատվությունը նույնիսկ ընդհանուր հասանելիության համացանցում առկա լինելու հիմքով․․․