Սեպտեմբերի 22-ին հանդիսավոր արարողությամբ տեղի ունեցավ «Բիբլոս Բանկ Արմենիա» Բաղրամյան մասնաճյուղի պաշտոնական բացման արարողությունը։
Նորաբաց «Բաղրամյան» մասնաճյուղում սպասարկումն իրականցվում է գերժամանակակից լուծումներով, հաշմանդամություն ունեցող անձանց կարիքներին հարմարեցված և ընդարձակ սրահում։ Մասնաճյուղին կից գործում են 24/7 տերմինալային հատվածներ, որոնք հնարավորություն են տալիս իրականացնել արագ և ապահով գործարքներ ցանկացած օր և ցանկացած ժամի։
«Բիբլոս բանկ Արմենիա»-ի գլխավոր գործադիր տնօրեն Հայկ Ստեփանյանը լրագրողների հետ զրույցում ասաց, որ դեռևս 2019 թվականին իրենք որոշում են կայացրել, որ պետք է ընդլայնեն իրենց գործունեությունը Հայաստանում՝ մասնավորապես, մեծացնելով մասնաճյուղային ցանցը։
Խոսելով բանկում առկա ծառայությունների մասին՝ Ստեփանյանը շեշտեց, որ իրենց բոլոր մասնաճյուղերում մատուցվում են միանման ծառայություններ՝ ռազմավարությունն այդպիսին է։
«Բիբլոս բանկի» առաքելությունն է հաճախորդներին միջազգային ստանդարտներին համապատասխան ծառայությունների մատուցումը, բաժնետերերի ներդրումների արժեքի աճի ապահովումը, աշխատակիցների բավարարվածության բարձրացումը և հանրության բարեկեցության աճը։
Ո՞րն է «Բիբլոս բանկի» առավելությունը համանման ծառայություններ մատուցող մյուս բանկերի նկատմամբ, Ստեփանյանը պարզաբանեց, որ իրենք հիփոթեքային վարկավորման, կառուցապատողների վարկավորման լավ մեխանիզմներ ունեն․« Դրանք հնարավորություն են տալիս շատ արագ ձևով կառուցապատման պրոյեկտը ավարտին հասցնել՝ առանց գնորդի ու կառուցապատողի համար լրացուցիչ ռիսկերի։ Իսկ ընդհանուր առմամբ՝ մեր հիմնական առավելությունը հաճախորդակենտրոն սպասարկումն է»։
«Բիբլոս բանկի» Բաղրամյանի մասնաճյուղին կից բարեկարգվել է նաև խաղահրապարակը։ Խաղային սարքավորումները փոխարինվել են նորերով՝ նպաստելով փոքրիկների ապահով և անվտանգ ժամանցի կազմակերպմանը։
Մանրամասները՝ տեսանյութում:
