Չինացի գիտնականները հայտարարել են, որ կորոնավիրուսի տարածումը ԱՄՆ-ում կարող էր սկսվել դեռ 2019 թվականի սեպտեմբերին, ավելի շուտ, քան ՉԺՀ-ում: Այս մասին ասված է չինացի գիտնականների հետազոտության մեջ, որը հրապարակվել է ChinaXiv գիտական պորտալում։
Հետազոտությունն անցկացվել է մաթեմատիկական մոդելի օգտագործմամբ, որի շնորհիվ գիտնականներին հաջողվել է վերլուծել ԱՄՆ-ի և Չինաստանի տարածքում COVID-19-ի տարածման մեկնարկի հնարավոր ամսաթիվը՝ կիրառելով վիճակագրական տվյալներ կորոնավիրուսի հաստատված դեպքերի քանակի մասին:
«ԱՄՆ-ի 12 ներկայացուցչական տարածաշրջանների տվյալների վերլուծության հիման վրա, որոնք ընտրվել են վարակման առաջին դեպքի ամսաթիվը որոշելու համար, 50 տոկոս հավանականությամբ վարակման առաջին դեպքը տեղի է ունեցել 2019 թվականի օգոստոսից հոկտեմբեր ընկած ժամանակաշրջանում: Դա ավելի շուտ է, քան ԱՄՆ-ում առաջին հաստատված դեպքի պաշտոնապես հայտարարված ամսաթիվը ՝ 2020 թվականի հունվարի 20-ը», – ասված է հաղորդագրության մեջ:
Գիտնականների կարծիքով ՝ նրանց կողմից անցկացված վերլուծության արդյունքները ցույց են տալիս, որ COVID-19-ը մեծ հավանականությամբ ԱՄՆ-ում սկսել է տարածվել 2019 թվականի սեպտեմբերին: Դրա հետ մեկտեղ COVID-19-ի առաջին դեպքերը Չինաստանում պաշտոնապես գրանցվել են միայն 2019 թվականի վերջին:
