Սեպտեմբերի 22-ին Իրան-Հայաստան առևտրի պալատի նախագահ Հերվիկ Յարիջանյանը և խորհրդի անդամներն այցելեցին ԻԻՀ-ում ՀՀ դեսպանություն և դեսպան Արտաշես Թումանյանին, դեսպանության անձնակազմին շնորհավորեցին Հայաստանի Հանրապետության անկախության 30-ամյակի կապակցությամբ։
Այս մասին հայտնում են դեսպանությունից։ ՀՀ դեսպանը շնորհակալություն հայտնեց պալատի անդամներին, որից հետո հանդիպման մասնակիցներն անդրադարձան Հայաստան-Իրան տնտեսական հարաբերությունների ներկա վիճակին և առաջիկայում սպասվող զարգացումներին։
Հանդիպմանը մասնակցում էին նաև դեսպանության առաջին քարտուղար Սյուզաննա Նավասարդյանը և երրորդ քարտուղար Գոռ Շահվերդյանը։