Հոկտեմբերի 1-ից առողջապահական և աշխատանքի տեսչական մարմինը ստուգումներ կիրականացնի տարբեր տնտեսվարողների մոտ ստուգելու արդյոք աշխատակիցները պատվաստված կամ թեստավորված են, թե ոչ:
Այսօր տեղի ունեցած մամուլի ասուլիսի ժամանակ տեսչական մարմնի հիգիենիկ, սանիտարահիգիենիկ և հակահամաճարակային հսկողության վարչության պետ Աննա Հարությունյանն ասաց, որ նախապես պլանավորելու են՝ որ տնտեսվարողների մոտ պետք է ստուգայց իրականացնեն:
«Առաջին հերթին ընդգրկվում են ռիսկային տնտեսվարողները: Այսինքն եթե ստանում ենք տեղեկատվություն, որ տվյալ կազմակերպությունում կան կորոնավիրուսային վարակի 3 և ավելի դեպքեր: Ստուգայցերն իրականացվելու են պատահական սկզբունքով»,-նշեց Աննա Հարությունյանը:
