Մեզ մոտ բուժհաստատություններում անփոփոխ, բնականոն կերպով շարունակվում են «Спутник V»-ով պատվաստումները: Այս մասին «Առաջին լրատվական»-ին հայտնեց համաճարակաբան Մերի Տեր-Ստեփանյանը:
Հիշեցնենք,որ օրերս ԱՀԿ կազմում գործող Համա-Ամերիկյան առողջապահական կազմակերպության ղեկավար Ժարբաս Բարբոսանը հայտնել է,որ Առողջապահության համաշխարհային կազմակերպությունը կասեցրել է ռուսական «Спутник V» պատվաստանյութի գրանցման գործընթացը։ Որպես որոշման կայացման հիմք՝ նշվել է այն հանգամանքը, որ ֆաբրիկաներից մեկի պայմանները, որտեղ արտադրվում է այս պատվաստանյութը, չի համապատասխանում արտադրության նոր պրակտիկայի կանոններին։ Կասեցումը կտևի այնքան ժամանակ, քանի դեռ ռուսական պատվաստանյութ արտադրող ընկերությունները համապատասխան քայլեր չեն ձեռնարկի հայտնաբերված թերությունները վերացնելու եւ նոր ստուգումներ չեն անցկացվի։
Տեր-Ստեփանյանը կարծում է, որ այս որոշումը Հայաստանում պատվաստման գործընթացի վրա ոչ մի անդրադարձ չի կարող ունենալ և չի ունեցել․ «Մենք մտնում ենք ԵԱՏՄ-ի տարածաշրջանային գոտու մեջ, և մեզ վրա ոչ մի անդրադարձ չի կարող ունենալ ։ Մեզ մոտ բուժհաստատություններում անփոփոխ, բնականոն կերպով շարունակվում են «Спутник V»-ով պատվաստումները»:
Ստեփանյանը սակայն դժվարանում է ասել՝ դա քաղաքական որոշու՞մ է թե՞ ավելի օբյեկտիվ:
Հարցին, թե ո՞ր պատվաստանյութն են մեր քաղաքացիները նախընտրում, Տեր-Ստեփանյանը ասաց, որ, հայկական առանձնահատուկ մտածելակերպի համաձայն, սկզբնական շրջանում, երբ «Спутник V»-ի պակասուրդ կար, մեծ պահանջարկ ուներ, հետո,երբ առաջացացավ դեպի Եվրոպա մուտքի խնդիր, քաղաքացինրը նախնտրում էին «ԱստրաԶենեկա», հիմա էլ պահանջարկը քիչ չէ, իսկ չինական «Սինոֆարմ» պատվաստանյութի հետ կապված մեր փորձագետը նշեց, որ, պայմանավորված ավելի թեթև ընթացքով, վերջին շրջանում սկսել է լայն պահանջարկ գտնել հենց այս վակցինացիան։
Մեր այն հարցին, թե արդյունավետության տեսանկյունից արդարացված է քաղաքացիների ընտրությունը, Մերի Տեր-Ստեփանյանը պատասխանեց, որ չինական «Սինոֆարմ»-ը ինակտիվացված վակցինացիա է համարվում, պարունակում է մեռած հիմնականում հարուցիչներ, հետևաբար ավելի պակաս արդյունվետություն ունի, իսկ «ԱստրաԶենեկա», «Спутник V»պատվաստանյութերը, ըստ նրա, մոտ 55-70 տոկոս արդյունավետություն ունեն։
